"Bağçalarda kamera isteminin həm də mənfi tərəfləri mövcuddur”
“Əslində, bağçalarda kamera sisteminin həm müsbət, həm də mənfi tərəfləri mövcuddur”.
AzTehsil.com xəbər verir ki, bunu MÜTDA-nın Məktəbəqədər təhsilin təşkili şöbəsinin müdiri İlahə Rəsulova bildirib.
“Müsbət tərəfi ondan ibarətdir ki, valideynlər övladlarını izləyə bilirlər. Lakin mənfi tərəflərdən biri isə odur ki, valideyn bəzən bütün günü kameranın qarşısında oturub ancaq öz uşağına baxır. Məsələn, "niyə uşaq stolun altına girdi?", "niyə ora qaçdı?", kimi suallar yaranır və hər dəqiqə bağçaya zəng vurulur. Bu zaman müəllim, tərbiyəçi və ya müdir qərarsız qalır. İşi ilə məşğul olsun, yoxsa valideynin suallarına cavab versin?
Ona görə də bu məsələnin həm müsbət, həm də mənfi tərəfləri var. Lakin bütün bunlara baxmayaraq, dövlət bağçalarında təhlükəsizlik məsələlərinin tənzimlənməsi gündəmimizdədir. Bu istiqamətdə müvafiq işlərin görüləcəyi gözlənilir”.
