Qarabağ Universitetinin tələbələri “Kiber Yay Məktəbi 2025”də uğur qazanıblar
AzTehsil.com xəbər verir ki, Qarabağ Universitetinin tələbələri “Kiber Yay Məktəbi 2025”də uğur qazanıblar
Azərbaycan Kibertəhlükəsizlik Təşkilatları Assosiasiyasının (AKTA) təşkilatçılığı ilə 21–26 iyul 2025-ci il tarixlərində Dövlət Təhlükəsizliyi Xidmətinin Bilgəh İstirahət Mərkəzində keçirilən “Kiber Yay Məktəbi 2025”də universitetimizin mühəndislik fakültəsinin 3 tələbəsi uğurla iştirak edərək sertifikatla təltif olunublar.
Təlimlər Azərbaycan və ingilis dillərində aparılıb. Tələbələrimizdən ikisi Azərbaycan dili, biri isə ingilis dili qrupunda təhsil alaraq proqramı müvəffəqiyyətlə başa vurublar.
“Kiber Yay Məktəbi” çərçivəsində intensiv təlimlər, praktiki məşğələlər, “Capture The Flag” adlı kiber-yarış, ekspertlərlə görüşlər və master-klaslar təşkil olunub. Layihənin məqsədi kibertəhlükəsizlik sahəsində ixtisaslı kadrların hazırlanması, gənclərin bu istiqamətdə bilik və bacarıqlarının artırılmasıdır.
Qarabağ Universiteti adından tələbələrimizi təbrik edir, gələcək fəaliyyətlərində uğurlar arzulayırıq.
