İmtahana şortiklə gələn tələbə binaya buraxılmayıb?

İmtahana “şortik” və çəkələklə gələn tələbəni universitet qapısında gözlədiblər.

Hadisənin bu gün Azərbaycan Texniki Universitetində baş verdiyi bildirilir.

Məlumata görə, İnformasiya texnologiyaları və telekommunikasiya fakültəsinin 3-cü kurs tələbələrindən biri bu gün havanın isti keçməsi ilə əlaqədar imtahana “şortik”lə gəlib. Amma onun içəri daxil olmasına imkan verilməyib.

Tələbənin iddiasına görə, 30 dəqiqəyə yaxın universitetin binasına buraxılmayıb. Mühafizəçi bildirib ki, universitetin prorektoru ona heç kəsi “şortik” və çəkələklə imtahana buraxmamaq barədə şifahi sərəncam verib.

Halbuki, bu barədə tələbələrə xəbərdarlıq edilməyib. İmtahana üç-beş dəqiqə qalmış mühafizə rəisi tələbəyə yaxınlaşaraq onu içəri buraxıb.

Məsələ ilə bağlı Azərbaycan Texniki Universitetinin mətbuat katibi Sevinc İsgəndərova Bizim.Media-ya açıqlamasında bildirib ki, belə bir hadisə ilə bağlı fakültəyə, imtahan qərargahına tələbə tərəfindən müraciət və şikayət qeydə alınmayıb:

“Ümumiyyətlə, geyimlə bağlı heç bir qadağa yoxdur. Bu günə kimi tələbələrdən geyimlə bağlı problemin yaranmasına dair şikayət daxil olmayıb”.

Məqalə Göndər

Загрузка...

Həmçinin oxuyun:

Prezident İlham Əliyev ADA Universitetində keçirilən "Cənubi Qafqaza yeni baxış: münaqişədən sonra inkişaf və əməkdaşlıq" adlı beynəlxalq konfransda iştirak edib