ADU-dan tələbənin dekan müavini təyin edilməsinə münasibət: “Hər ikisinin öhdəsindən uğurla gələcək”

“Azərbaycan Dillər Universitetinin tələbəsi Jalə Eyvazovanın oxuduğu fakültənin dekan müavini təyin olunması ictimai əsaslarla həyata keçirilib”.

Bunu “Report”a açıqlamasında ADU-nun Mətbuat xidmətinin rəhbəri Cavid Zeynallı bildirib.

O qeyd edib ki, indiyə qədər ADU-da bu cür təcrübə olmayıb:

“Rektor, akademik Kamal Abdulla qərara gəldi ki, göstəriciləri yüksək olan, tələbələr arasında nüfuz qazanmış, tədbirlərdə fəal olan tələbəni qiymətləndirib, dəyərləndirsin. Həmçinin onun gələcək idarəçilik təcrübəsinə öz töhfəsini vermək üçün bu imkanı yaratsın. Bu addım Jalənin həm müəllimləri, həm universitet kollektivi, həm də tələbə yoldaşları tərəfindən rəğbətlə qarşılandı. Bu gün o, həm tələbə, həm də dekan müavini kimi çox uğurla fəaliyyət göstərir. Mənə elə gəlir ki, artıq dördüncü kursu bitirəndə Jalənin bu istiqamətdə geniş təcrübəsi olacaq və gələcəkdə universitet onun potensialından rahat şəkildə istifadə edə biləcək”.

C.Zeynallı müəllimlərin tələbə-dekan müavininə dərs deməsi zamanı maraqlar toqquşmasının ola biləcəyi ilə bağlı bildirib ki, bundan söhbət gedə bilməz:

“Dərslərə mane olmaq məsələsinə gəlincə, bu günə qədər Jalənin vəzifəsini yerinə yetirməsi və dərslərində hər hansı bir problemin yaranması ilə bağlı məlumat yoxdur. Düşünürəm ki, o, hər ikisinin öhdəsindən uğurla gələcək”.

Məqalə Göndər

Загрузка...

Həmçinin oxuyun:

Əhməd Zeynallı adına 302 saylı tam orta məktəbdə “Talassemiyasız həyat naminə” adlı xeyriyyə konserti keçirilib .

Ənənəvi və interaktiv təlim metodlarının müqayisəli təhlili

"Tələbələr müəllimlərin güzgüsüdür, yaxşı müəllimi tələbəsi həmişə axtarır, tələbənin adi bir sözlə təbriki müəllim üçün dünyadır"

Kamal Abdulladan unikal addım – Təhsilimizdə ilk

Rektor Kamal Abdulla CLS proqramının nümayəndələri ilə görüşüb

Kamal Abdulla tələbələri təbrik etdi -FOTOLAR

ADPU bir qrup heyəti Asəf Zeynallı adına Musiqi Kollecində olub

Prezident İlham Əliyev ADA Universitetində keçirilən "Cənubi Qafqaza yeni baxış: münaqişədən sonra inkişaf və əməkdaşlıq" adlı beynəlxalq konfransda iştirak edib