İyundan müəllimlərin sertifikatlaşdırılmasına başlanacaq -RƏSMİ
İyun ayından etibarən dövlət ümumi təhsil müəssisələrində işləyən təhsilverənlərin mərhələli şəkildə sertifikatlaşdırılması prosesinə başlanılır.
Təhsil Nazirliyindən verilən xəbərə görə, təhsilverənlərin sertifikatlaşdırılmasının keçirilməsində məqsəd ümumi təhsil müəssisələrində pedaqoji və idarəetmə fəaliyyəti ilə məşğul olan, ali və orta ixtisas təhsilinə malik təhsilverənlərin peşəkarlıq səviyyələrinin və peşə yararlılıqlarının yoxlanılması, onların peşəkar inkişafına nail olmaq və təlim ehtiyaclarını öyrənməkdir.
Sertifikatlaşdırma prosesinə birinci mərhələdə ibtidai təhsil səviyyəsi üzrə Bakı Şəhəri üzrə Təhsil İdarəsi, Abşeron-Xızı, Quba-Xaçmaz və Gəncə-Daşkəsən Regional Təhsil idarələrinə tabe olan, həmçinin Təhsil Nazirliyinin birbaşa tabeliyindəki ümumi təhsil müəssisələrində çalışan ibtidai sinif müəllimlərinin cəlb olunması nəzərdə tutulur.
Təhsilverənlərin sertifikatlaşdırılması prosesi üzrə hazırlıqlara iyun ayında, test imtahanı mərhələsinə isə avqust ayının sonlarında başlanılması nəzərdə tutulur.
Sertifikatlaşdırmanın nəticələri təhsilverənlərin karyera inkişafında və əməyinin stimullaşdırılmasında nəzərə alınacaq. Üzrlü səbəblərdən sertifikatlaşdırmada iştirak etməyən və ya sertifikasiya üçün tələb olunan minimum balı toplamayan şəxslər 1 il müddətində iş yeri saxlanılmaqla, təkrar sertifikatlaşdırmada iştirak etmək hüququna malik olacaqlar.
Sertifikatlaşdırma iki mərhələdən (test və müsahibə mərhələsi) ibarət olmaqla keçiriləcək və ilk dəfə işə qəbul olunanlar (5 il müddətində), hamilə qadınlar, uşağının üç yaşınadək sosial məzuniyyətdə olan və həmin məzuniyyət bitdikdən sonra 1 ildən az müddətdə müvafiq vəzifədə (peşədə) çalışan qadınlar (uşağını təkbaşına böyüdən kişilər) bu prosesdə iştirak etməyəcəklər. Sözügedən prosesin təşkili məqsədilə Təhsil Nazirliyi tərəfindən Təhsilverənlərin Sertifikatlaşdırılması Şurası yaradılıb, Şuranın əsasnaməsi və tərkibi təsdiq olunub.
Sertifikatlaşdırma prosesinin növbəti mərhələləri barədə ictimaiyyətə əlavə məlumat veriləcək.
Müəllimlərin sertifikatlaşdırılması ilə bağlı məlumat
Təhsilverənlərin sertifikatlaşdırılmasının test mərhələsində əlilliyi olanlara əlavə vaxt veriləcək
Müəllimlərin sertifikatlaşdırılması qaydaları təsdiqləndi – Bu cür aparılacaq
Nazirlər Kabinetinin təhsil sahəsinə aid qərarını Təhsil Nazirinin müşaviri Elnur Məmmədov şərh edib
20 bal toplayan təhsilverənlər sertifikatlaşdırmadan keçir
Azərbaycanda müəllimlərin diaqnostikası yeni qaydalarla aparılacaq - ƏMR
Müəllimlərin sertifikasiyası qaydası müzakirə olunur
Təhsilverənlərin Sertifikatlaşdırılması Şurasının tərkibi təsdiqlənib
Azərbaycan Respublikasının Əmək Məcəlləsində dəyişikliklər edilməsi haqqında Azərbaycan Respublikasının Qanunu
“İbtidai təhsil – inkişaf perspektivləri” mövzusunda dəyirmi masa keçirilib
Bağça müəllimlərinin NƏZƏRİNƏ: Yoxlamalar olacaq
Sertifikasiya Qaydaları
Təhsil naziri əmr imzalayıb
Müəllimlərin diaqnostik qiymətləndirilməsi qaydaları TƏSDİQLƏNDİ
Gələn ildən müəllimlərin sertifikatlaşdırılmasına başlanacaq – NAZİR
OXUYUN ! Sertifikasiya Qaydalarl təsdiq olundu
Regional Təhsil İdarələrinin yaradılması prosesi yekunlaşmaq üzrədir
Azərbaycanda rayon təhsil şöbələri ləğv edildi: 12 regional idarə yaradılır
Müəllimlərin maaşı artdı - Bu gündən
Təlim nəticələri zəif olan 18 məktəbdə şagirdlərin öyrənmə ehtiyacları müəyyənləşdiriləcək
Bu gündən I sinfə qəbulla bağlı məktəb seçiminə başlanılır
Birinci sinifə şagird qəbulu üçün elektron qeydiyyat davam edir
Həm attestasiya həm də sertifikasiyadan keçməyə heç bir ehtiyac qalmayacaq
Təhsil sahəsi üzrə mühüm sərəncam və qərarlar – RƏSMİ