Xəbərlər / Yazarlar
25 may 2020
1 677
"Bu cür keyfiyyətsiz dərsliklərin yayılması biyabırçılıqdır"-ETİRAZ
"Bəzi dərsliklər qısa müddətdə http://e-derslik.edu.az/ portalından silinməlidir."
Tehsil.biz xəbər verir ki, bu sözləri Peşə təhsili üzrə araşdırmaçı, yazar Qadir Qafarov söyləyib.
Onun fikrincə, bu cür keyfiyyətsiz dərsliklərin yayılması biyabırçılıqdır.
-Məlum olduğu kimi, peşə liseyləri üçün səriştəəsaslı modul dərsliklər yazılmışdır. Yenə də, bu modullarda keyfiyyət problemi mövcuddur. Modulların məzmunu, verilən anlayışlar və praktiki bacarıqlarla ixtisas uyğunlaşmır. Bir çox modullarda (texniki sahələr üzrə) kifayət qədər termin səhvləri, ixtisasa dair natamam məlumatlara rast gəlinir. Müəyyən profillər üzrə tərtib olunan modul vəsaitlər, üzə çıxarılası deyildir. Peşə təhsili üçün tərtib olunan bir sıra texniki profilli modullar bu vəziyyətdədir. Ən acınacaqlısı isə bu dərslərin tələbələrin masalarında yer almasıdır. Qısa müddətdə bu dərsliklər http://e-derslik.edu.az/ portalından silinməli və yenidən işlənib tələbələrə təqdim edilməlidir.
Qadir Qafarov bildirir ki, əksini söyləyənlərə faktlarla isbat edə bilərəm.
