AGMA-nın Bakı şəhəri üzrə koordinatoru tərəfindən təqdimat keçirilib
Təqdimatlarımız davam edir
Bakı Şəhəri Təhsil İdarəsi və Azərbaycan Gənc Müəllimlər Assosiasiyasının təşkilatçılığı ilə gənc müəllimlər üçün Bakı şəhəri Suraxanı rayonu D.Məmmədzadə adına 232 nömrəli tam orta məktəbdə AGMA-nın Bakı şəhəri üzrə koordinatoru Elnurə İsmayılova tərəfindən təqdimat keçirilib.
AzTehsil.com xəbər verir ki, təqdimatdan sonra gənc müəllimlərimiz üçün Elnurə İsmayılova tərəfindən "Sinfin səmərəli idarəedilməsi" və "Müasir dərsin quruluşu" mövzularında seminar keçirilib. Qonaq qismində İbtidai sinif müəllimlər birliyinin koordinatoru Səidə Dünyamalıyeva "Müasir dərsin quruluşu" mövzusunda öz təcrübələrini gənc müəllimlərlə bölüşüb.
Qeyd edək ki, təqdimatın keçirilməsində məqsəd gənc müəllimlərin inkişafına və onların özünü təkmilləşdirməsinə dəstək olmaq, təlim vasitəsilə təhsil müəssisələrində çalışan gənc müəllimləri bir araya toplamaq, onların sözügedən mövzu haqqında məlumatlıqlarını artırmaqdan ibarətdir.
