Müəllim nüfuzu və cavabsız suallar..

Cavabsız suallar....

Deyirlər müəllim peşəsinin nüfuzu kosmik sürətlə artır.Fikirlərini əsaslandırmaq üçün deyirlər ki, 2010-cu ildə MIQ imtahanına 700, 2019-cu ildə isə 54 000 nəfər müraciət edib.( müsahibənin ilk mərhələsi başa çatanda 59 000 demişdilər ) .Və onub da deyirlər ki, 500 dən yuxarı bal toplayanlar artlq müəllim olmaq istəyirlər.Statistik rəqəmlər üzrə tam doğru.Amma gəlin düşünək - doğurdanmı hər şey deyildiyi kimidir ? Məllim nüfuzu doğurdanmı qısa müddətdə sürətlə artırıla bildi ? Elə isə suallar meydana gəlir...cavabsız suallar ..

1.Hal-hazırda MIQ-ə sənəd verən 54 000 müəllimdən neçəsi ilk dəfə ,neçəsi isə müəllim işləyə-işləyə sənəd verib ? Bu statistika niyə açıqlanmır ? Millətin başını niyə çəfəng " inkişaf " nağılları ilə qatırıq ?

2.Niyə etiraf etmək istəmirik ki, ölkə təhsilini ( ümumi təhsili ) kölgə təhsilinin ağuşuna təslim etmişik ki, təhsili necə bərbad duruma saldığımızı ört-basdır etmək üçün həmin kölgə təhsilinin nəticələrinin arxasında gizlənə bilək ?

3.Deyək ki , rəqəmləri açıqladınız , MIQ-ə sənəd verən 54 000 nəfərdən neçəsi ilk dəfə müəllim olmaq istəyəndir.Həmin neçəsinin neçəsi 4 illik ali məktəbi bitirdikdən sonra kurslar və repiritor yanında hazırlaşmayıb ? Əgər müəllim olmaq üçün 3 aylıq kurs ya da repititor lazım olacaqdısa ,ondu az qala hər qəsəbədə və şəhərdə fəaliyyət göstərən ali məktəblərimiz nə üçündür ? Təhsil alanlarının hər 10 nəfərindən 7-sinin ödənişli ( ən aşağı illik ödəniş 1 800 azn ) təhsil aldıqları 4 illik ali təhsil dövründə nə öyrənə biliblər və ya müəllim hazırlığı ölkədə niyə bu qədər bərbad vəziyyətdədir ?

4. Təhsil naziri 2019-cu ilin MIQ imtahanında ən yüksək bal toplayan iştirakçılarla görüşdü.Bəs niyə soruşmadı ki,sizdən neçəniz ilk dəfə iştirak edirsiniz bu müsabiqədə ? Illərin müəllimləri özlərini sınamaq və ya yerdəyişmə etmək üçün əldə etdikləri yüksək nəticə nə vaxtan müəllim nüfusunun artması oldu ?

5.MIQ imtahanında nə vaxtadək eyni ixtisas üzrə suallar cəmi 1 variantda hazırlanacaq ? Axı sosial şəbəkənin bu qədər geniş yayıldığı dövrdə imtahana ilk girənlər tərəfindən həmin sosial şəbəkədə yayımlanır və daha sonra girənlər artıq sualları tam bilmiş olur .Obyektiv imtahan buna deyirsiniz ? MIQ imtahanının bilik yarışı deyil , artlq şans məsələsinə ( kim birinci ,kim sonuncu girdi imtahana ) çevrildiyinin fərqindəsinizmi ?

6. Illərdir MIQ imtahanında səhv sualların salınmasının adı nədir ? TN rəsmiləri " cəmi 29 sualda səhv olub " deyəndə heç utanc və ya xəcalət hissi keçirirlərmi ?

7. 3-4 il öncə geçirilmiş DQ nəticələri əsasında hələ də dərs bölgüsünün aparılması , və guya DQ -nin keçirilməsi ,onun nəticələri əsasında dərs bölgüsünün aparılmasının müəllim peşəsinin nüfuzunun artmasına səbəb olması haqqında nağıllarınıza ən özünüz inanırsınızmı ?

Suallar çox ,müəllim nüfuzu və təhsil bərbad , cavabverən isə yox.....