Xəbərlər / Orta ixtisas
24 fevral 2018
2 067
Bakı məktəblərində şagird sıxlığının səbəbləri açıqlanıb - VİDEO
Bakıda qeydiyyatsız yaşayan sakinlərin çoxluğu, əhalinin Bakıya axını uşaqların məktəblərdə rahat yerləşdirilməsi prosesində problemlər yaradır.
Xezerxeber.az-ın məlumatına görə, bu barədə Bakı Şəhəri üzrə Təhsil İdarəsinin müdiri Məhəbbət Vəliyeva deyib.
Onun sözlərinə görə, bəzi məktəblərə valideyn müraciəti çox olduğundan həmin məktəblərə ərazi prinsipi tətbiq edilir .Yəni qəbul zamanı daha çox həmin ərazidə yaşayanların övladlarının oxumasına üstünlük verilir.
Məhəbbət Vəliyeva həmçinin onu da qeyd edib ki, bu il Bakı məktəblərinin birinci sinfinə təxminən 46 min uşağın qəbulu gözlənilir. Onların yarıdan çoxu məktəbəhazırlıq təlimlərində iştirak etdiyindən avtomatik olaraq birinci sinifə qəbul olunublar.
Bakı Şəhəri üzrə Təhsil İdarəsinin müdiri onu da vurğulayıb ki, qeydiyyat məsələlərində hər hansı bir problemlə qarşılaşan valideynlər ilk olaraq alternativ komissiyalara müraciət etsinlər, problem öz həllini tapmadıqda Bakı şəhəri üzrə Təhsil İdarəsinə müraciət edə bilərlər.
