Xəbərlər / Cəmiyyət
20 sentyabr 2017
2 607
Nazirlik: Təfəkkür Universitetinin daha 100 tələbəsi digər ali məktəblərə köçürülüb
Ötən 5 gün ərzində Təfəkkür Universitetinin daha 100-ə yaxın tələbəsi ümumi qaydada transfer.edu.az portalından istifadə etməklə digər ali təhsil müəssisələrinə köçürülüb.
Təhsil Nazirliyindən bildirilib ki, artıq bu günə kimi (yay tətili ərzində) universitetin digər ali məktəblərə köçürülən tələbələrin sayı 300-ə yaxındır.
Digər ali məktəblərə köçürülmək istəyən tələbələrin transfer.edu.az portalına müraciət etmələri üçün son tarix sentyabrın 25-də başa çatır. Nazirlik tələbələrə gələcək taleləri barədə indidən düşünməyi məsləhət görüb.
