Xəbərlər
12 iyun 2017
3 553
Bu il neçə nəfər tələbə ixtisas dəyişib?Hesabat
Bu il 233 nəfər tələbə transfer.edu.az portalı vasitəsilə seçdikləri ali təhsil müəssisələrinə köçürülüb.
Təhsil Nazirliyindən verilən xəbərə görə, 2016-cı ilin avqust ayından təhsil alanların ölkə daxilində və xaricdə yerləşən ali təhsil müəssisələrindən köçürülməsi, yaxud bir ixtisasdan digərinə dəyişdirilməsi Təhsil Nazirliyi və Dövlət İmtahan Mərkəzi ilə birgə fəaliyyət çərçivəsində yaradılan transfer.edu.az portalı vasitəsilə həyata keçirilir.
2017-ci ildən orta ixtisas təhsili müəssisələri tələbələrinin də bu portal vasitəsilə köçürülməsinə başlanıb. Cari ildə 46 nəfər bu sistem vasitəsilə köçürülüb. IV İslam Həmrəyliyi Oyunlarında isə 11 mindən çox tələbə-könüllü iştirak edib. "Bakı 2015” Birinci Avropa Oyunlarına 12 min, "Bakı Marafonu-2017”yə 350, "Formula 1” Avropa Qran Prisinin təşkilinə 3000-dən artıq tələbə-könüllü cəlb olunub. 23-25 iyun tarixlərində keçiriləcək "Formula 1” Azərbaycan Qran Prisində isə 3500-ə yaxın tələbə-könüllü iştirak edəcək.
Ötən 4 il ərzində Təhsil Nazirliyi vətəndaş məmnuniyyətini təmin etmək, şəffaf və çevik xidmət şəbəkəsini gerçəkləşdirmək, ən əsas isə insanların təhsilin müxtəlif sferalarında tətbiq olunan yeni xidmətlər bazasına birbaşa və şəffaf çıxışını təmin etmək məqsədilə 16-dək onlayn şəbəkə platforması yaradılıb. 2016-cı ilin yanvar ayından Təhsil Nazirliyində və tabe qurumlarda vətəndaşların qəbulu və ona nəzarət üzrə onlayn qəbul portalı istifadəyə verilib.
