Məktəblilərimiz Beynəlxalq Kosmik Poster Müsabiqəsində ölkəmizi təmsil edirlər
Məktəblilərimiz Beynəlxalq Kosmik Poster Müsabiqəsində ölkəmizi təmsil edirlər.
AzTehsil.com xəbər verir ki, Azərbaycan Respublikası Təhsil İnstitutu və Məktəbəqədər və Ümumi Təhsil üzrə Dövlət Agentliyinin dəstəyi, Azərkosmosun nəzdində fəaliyyət göstərən KOSMİK Akademiyanın təşkilatçılığı ilə Kosmik Poster Müsabiqəsinin milli mərhələsi keçirilib.
Cari tədris ilində “Ay şəhəri” mövzusunda təşkil olunan müsabiqədə uşaq-gənclər inkişaf mərkəzlərinin 6–12 yaş arası 50 şagirdi iştirak edib.
Müsabiqə Asiya-Sakit Okean Regionu Kosmik Agentliklərin Forumu (APRSAF) ilə əməkdaşlıq çərçivəsində həyata keçirilib. Nəticədə, 3 şagirdimiz – İnci Mirzəyeva (10 nömrə), Aylin Məmmədli (20 nömrə) və Zəhra Nadiyeva (39 nömrə) APRSAF-31 Kosmik Poster Müsabiqəsinin beynəlxalq mərhələsində ölkəmizi təmsil etmək hüququ qazanıblar.
Azərbaycanı beynəlxalq arenada təmsil edəcək gənc istedadlarımıza dəstək olmaq üçün aşağıdakı keçidə daxil olaraq göstərilən nömrələrə səs verə bilərsiniz:
https://www.aprsaf.org/annual_meetings/aprsaf31/poster_contest.php
Gənc kosmos həvəskarlarımıza uğurlar arzulayırıq!
