ADPU-nun Quba filialında tələbələr üçün tələbə krediti haqqında seminar keçirilib
ADPU-nun Quba filialında tələbələr üçün tələbə krediti haqqında seminar keçirilib.
AzTehsil.com Azərbaycan Dövlət Pdaqoji Universitetin Quba filialında ödənişli təhsil alan tələbələr üçün Təhsil Tələbə Krediti Fondu tərəfindən tələbə kreditinə müraciət etmək imkanları haqqında maarıfləndirici seminar təşkil olunub. Tədbir iştirakçılarını salamlayan filialın sosial və humanitar məsələlər üzrə direktor müavini p.f.d Aysel Şeydayeva Fondun fəaliyyətini gənclərə göstərilən dövlət qayğısı kimi dəyərləndirib, bu istiqamətin istedadlı və sosial statusa malik gənclər üçün ali təhsil almaq imkanlarını genişləndirdiyini diqqətə çatdırıb.
Seminarda Fondun baş mütəxəssisi İlkanə Həmidli tərəfindən təhsil tələbə kreditinin təyinatı, bu imkandan yararlanmaq qaydaları haqqında ətraflı məlumat verilib, slayd nümayiş etdirilib və tələbələrin sualları cavablandırılıb. Həmçinin müraciətlərlə bağlı çətinlik yaranacağı təqdirdə qaynar xəttə müraciət etmək üçün əlaqə telefonları təqdim edilib.
Qeyd edək ki, təhsil tələbə krediti təhsil haqqını ödəməkdə çətinlik çəkən tələbələrə dəstək məqsədi ilə dövlət tərəfindən təqdim olunan unikal sosial dəstək mexanizmidir. Bu kredit aşağı faiz dərəcəsinə malik olmaqla, tələbələrə təhsilini bitirib özləriə karyera qurduqdan sonra ödəniş etmək imkanı yaradır.
