ADNSU-nun rektoru təqaüdə çıxan müəllimlərlə görüşüb
ADNSU-nun rektoru təqaüdə çıxan müəllimlərlə görüşüb.
Azərbaycan Dövlət Neft və Sənaye Universitetinin (ADNSU) rektoru, dosent Rüfət Əzizov təqaüdə çıxan müəllimlərlə görüş keçirib.
Səmimi və mehriban şəraitdə keçən görüşdə rektor Rüfət Əzizov müəllimlərə uzun illər ərzində göstərdikləri səmərəli pedaqoji fəaliyyətə, elmin inkişafına və ixtisaslı mütəxəssislərin hazırlanmasına verdikləri töhfələrə görə təşəkkürünü bildirib. O, vurğulayıb ki, universitetin bu gün qazandığı uğurlarda onların əməyinin xüsusi payı var və hər bir təqaüdə çıxan müəllim ADNSU ailəsinin dəyərli üzvü olaraq qalacaq.
Müəllimlər də onlara göstərilən diqqət və qayğıya, əmək fəaliyyətlərinin yüksək qiymətləndirilməsinə görə universitet rəhbərliyinə təşəkkür ediblər. Onlar uzun illər ərzində qazandıqları təcrübədən danışıblar, ADNSU haqqında xoş xatirələrini bölüşüblər.
AzTehsil.com xəbər verir ki, görüş zamanı müəllimlər təhsil prosesinin daha da təkmilləşdirilməsi, gənc kadrların elmi fəaliyyətə cəlb edilməsi istiqamətində öz tövsiyələrini də bölüşüblər.
Sonda rektor Rüfət Əzizov təqaüdə çıxan müəllimlərə uğurlu əmək fəaliyyətinə görə Təşəkkürnamə təqdim edib, onlara möhkəm can sağlığı, uzun ömür arzulayıb.
