Müəllimlər arasında “Fibonacci” intellektual yarışı keçirilib
Müəllimlər arasında “Fibonacci” intellektual yarışı keçirilib.
AzTehsil.com xəbər verir ki, Elm və Təhsil Nazirliyinin təşkilatçılığı, Kapital Bank-ın dəstəyi ilə 5 Oktyabr - Beynəlxalq Müəllimlər Gününə həsr olunmuş “Fibonacci” intellektual yarışı keçirilib.
Yarışda Vətən müharibəsini simvolik şəkildə təcəssüm etdirən müəllimlərdən ibarət 44 komanda iştirak edib. Nəticələrə əsasən, Bakı şəhəri 124 nömrəli tam orta məktəb I , 337 nömrəli tam orta məktəb II, 246 nömrəli məktəb-lisey isə III yerə layiq görülüb.
Növbəti çempionatın seçmə oyunları oktyabr–noyabr aylarında onlayn formatda keçiriləcək və yüksək nəticə göstərən komandalar isə dekabr ayında Bakıda baş tutacaq final mərhələsində “Azərbaycan çempionu” adı uğrunda mübarizə aparacaqlar.
