"Zəfərin uşaqları ilə oxu marafonu" LAYİHƏSİ
"Zəfərin uşaqları ilə oxu marafonu" layihəsi çərçivəsində Quba, Qusar və Xaçmaz rayonlarından marafona qoşulan məktəblərin müəllim və kitabxanaçı heyəti ilə görüşdük. Görüşə ev sahibliyini artıq ikinci dəfə Alekseyevka kənd məktəbi edirdi.
AzTehsil.com xəbər verir ki, Spikerlər Səbuhi Şahmursoy, Rafiq İsmayılov, Veysəl Məmmədov, Fatimə Alxaz, Şöhlət İxtiyaroğlu və bəndəniz mütaliə mədəniyyəti mövzusunda çıxışlar etdik, müəllimlərin marafonla bağlı suallarını cavablandırdıq.
Qarşıda marafona qoşulan məktəblilərlə görüşümüz də var. Oktyabrın 15-i oxu müddətinin son günüdür. Sonra seçilmiş kitablara əsaslanan suallardan ibarət imtahan və qaliblərin seçilməsi gəlir. Qalibləri 24-26 oktyabr tarixlərində Qubada keçiriləcək möhtəşəm sərgidə mükafatlandıracağıq. Məncə, bu proses qoşulan şagirdlərin məktəb həyatında unudulmaz anlarla yadda qalacaq.
Layihə QHT-lərə Dövlət Dəstəyi Agentliyinin maliyə dəstəyi, ANAİB-in təşkilatçılığı, Quba-Xaçmaz Regional Təhsil İdarəsi, QafqazTV, Pedaqoji Universitetin Quba Filialı, MÜSİAT və QİAB-ın tərəfdaşlığı, 525-ci qəzet və edebiyyatveincesenet.az-ın isə informasiya dəstəyi ilə həyata keçirilir.
