Peşə təhsili müəssisələrinə işə qəbul üzrə müsahibə mərhələsi başlayıb
28 avqust tarixindən etibarən 2025/2026-cı tədris ili üçün peşə təhsili müəssisələrinə ixtisas fənn müəllimi və istehsalat təlimi ustalarının işə qəbulu üzrə müsabiqənin müsahibə mərhələsinə start verilib.
AzTehsil.com xəbər verir ki, test imtahanı mərhələsində iştirak edən 1920 namizəddən 754 nəfəri müsahibə mərhələsinə keçid hüququ əldə edib. Müsahibələr Bakı, Bərdə, Cəlilabad, Qəbələ və Naxçıvan şəhərlərində yerləşən müvafiq peşə təhsili müəssisələrində təşkil edilməkdədir.
Qeyd edək ki, ixtisas fənn müəllimi və istehsalat təlimi ustalarının işə qəbulu üzrə test imtahanında hər bir vakansiya üzrə 40 və daha çox bal toplayan namizədlər müsahibədə iştirak etmək hüququ qazanıblar. Namizədlərə müsahibə nəticələri haqqında məlumat şəxsi kabinet vasitəsilə veriləcək.
