Medalçıların seçimi Qarabağ Universitetidir !
Medalçıların seçimi Qarabağ Universitetidir...!
AzTehsil.com xəbər verir ki, Şirvan-Salyan Regional Təhsil İdarəsinin tabeliyində olan ümumtəhsil müəssisələrinin məzunları mövcud qaydalara əsasən müsabiqədənkənar qaydada Qarabağ Universitetinə qəbul olunmaq üçün Dövlət İmtahan Mərkəzinə müraciət ediblər.
Onlardan: Pəri Bağırova – Salyan rayonu Dayıkənd kənd tam orta ümumtəhsil məktəbinin məzunu, “Azərbaycan dili və ədəbiyyatı” fənni üzrə Respublika Fənn Olimpiadalarında gümüş və bürünc medalın sahibi;
Qarabağ Universitetində “Azərbaycan dili və ədəbiyyatı müəllimliyi” ixtisasını seçib.
Vaqif Rzayev – Neftçala rayonu Aşağı Surra kənd tam orta ümumtəhsil məktəbinin məzunu, “Tarix” fənni üzrə Respublika Fənn Olimpiadasında bürünc medalın sahibi;
Qarabağ Universitetində “Tarix müəllimliyi” ixtisasını seçib.
Xədicə Dünyamalıyeva – Neftçala rayonu Aşağı Surra kənd tam orta ümumtəhsil məktəbinin məzunu, “Tarix” fənni üzrə Respublika Fənn Olimpiadalarında qızıl, gümüş və bürünc medalların sahibi;
Qarabağ Universitetində “Tarix” ixtisasını seçib.
Olimpiada medalçısı olan istedadlı gənclərimizi, onların müəllimlərini və valideynlərini təbrik edir, universitet həyatlarında daha böyük uğurlar arzulayırıq.
RFO-da dəfələrlə medal qazanan məzunlarımızın Qarabağ Universitetini seçməsi bizi qürurlandırır!
