Xəbərlər / İnnovasiyalar / Valideyn / Direktor / Müəllim / Digər Elan / Cəmiyyət / Bakalavr / Dünya / Manşet / Bölgə
15 avqust 2025
760
III kurs tələbəsi vəfat edib
Şamaxıda baş verən ağır qəzada 3- cü kurs tələbəsi həlak olub.
AzTehsil.com xəbər verir ki, Avqustun 13-də Şamaxıda ağır qəza baş verib. Qəza nəticəsində Bakı şəhər sakini, 2002-ci il təvəllüdlü Leyla Qasımova aldığı xəsarətlərdən hadisə yerində ölüb.
23 yaşlı Leyla Qasımova Qərbi Kaspi Universitetinin III kurs tələbəsi imiş. O, İnformasiya texnologiyaları ixtisası üzrə təhsil alırmış.
Qeyd edək ki, Şamaxı rayonunun Çöl Göylər kəndi ərazisində baş verən qəza zamanı "Hyundai" markalı avtomobil idarəetmədən çıxaraq aşıb. Leylanın faciəli şəkildə dünyasını dəyişdiyi qəza nəticəsində Bakı şəhər sakinləri - 1983-cü il təvəllüdlü Dürdanə Nağıyeva, 1979-cu il təvəllüdlü Vüsalə İsmayılova və onların 3 azyaşlı övladları xəsarət alıblar.
