Xəbərlər
23 oktyabr 2017

Faciəvi şəkildə ölən Azərbaycan SƏNƏTÇİLƏRİ

Azərbaycanın mədəniyyət tarixində nakam tale yaşamış xeyli sənətkar olub. Amma aralarında elələri də var ki, onlar faciəli ömür yolu ilə bərabər, faciəli ölüm də yaşayıblar.


Aztəhsil.com modern.az-a istinadən xəbər verir ki, faciəli surətdə dünyalarını dəyişən sənətkarlardan, mədəniyyət xadimlərindən bir qismini təqdim edir:

 

Xanəndə Səxavət Məmmədov. Bu gün onun doğum günüdür. Səxavət Məmmədov 1991-ci il sentyabrın 30-da avtomobil qəzasında faciəli şəkildə dünyasını dəyişdi. İnsanlar o qəzanı birmənalı, təsadüfi avtomobil qəzası kimi qarşılamadılar. Səxavət Məmmədov onsuz da ağır durumda, faciənin içində olan qarabağlılar üçün öz səsi ilə bir təsəlli obyekti idi. Öldüyü gün bu səsdə təsəlli tapmaq istəyənlər onu doğulduğu Ağdamın Abdal-Gülablı kəndinin qəbiristanlığına son mənzilə yola saldı. Səxavət Məmmədovun qəbri üzərinə qoyulmaq üçün Bakıda sifariş edilən məzar daşı kənddə gedən gərgin döyüşlər səbəbindən ünvanına çatdırıla bilmədi. Daha sonra isə kənd işğal olundu. Səxavət Məmmədovun üzərində şəkli, doğum və ölüm tarixi həkk olunmuş başdaşı Bakıdakı evinin həyətində qaldı.  

 

Müğənni Nəzakət Məmmədova. Bu xanım müğənni  qısa ömür yaşadı.  Buna baxmayaraq bir çox ölkələrdə Azərbaycanı layiqincə təmsil etdi. Özünə xas səhnə davranışları, ifa zamanı ötürdüyü müsbət enerji onu hamının sevimlisinə çevirmişdi. Soçi şəhərində plastik əməliyyatlarla lisenziyasız məşğul olan Karol Anatoli İvanoviç adlı bir erməni kökənli həkimə müraciət edən sənətçi boynundakı qırışlardan azad olmaq istəydi. Lakin əməliyyat zamanı həkim-dermatoloqun səhvi – bıçağın boğazdakı şah damara dəyməsi müğənninin ölümünə səbəb oldu. Nəzakət Məmmədova qanaxmadan dünyasını dəyişdi. Səriştəsiz "həkim” isə törətdiyi əmələ görə Krasnodar məhkəməsi tərəfindən 5 il azadlıqdan məhrum edildi.

 

Cazmen Rafiq Babayev. Azərbaycan musiqisində özünəməxsus dəsti-xətti olan, xüsusən də caz janrının inkişafında az qala Vaqif Mustafazadə qədər iş görən Rafiq Babayev də faciəli şəkildə dünyasını dəyişən sənətkarlar sırasındadır. O, 1994-cü il martın 19-da erməni ekstremistlərinin Bakı metrosunda təşkil etdiyi qanlı terrorun qurbanı oldu. Metroda törədilmiş partlayış nəticəsində Rafiq Babayev həyatla vidalaşdı.

 

Müğənni Xeyransa Məmmədova. Cəmi 29 yaşında vəfat edən bu xanım müğənni  qısa həyatında özünü yaxşı mənada fərqləndirməyi bacardı. Ondan daha böyük nailiyyətlər gözləyirdilər. Amma gənc xanım ailə həyatını daha üstün tutdu. Şəkər xəstəliyinə görə həkimlər ona ana olmağa icazə vermirdilər. Amma o, ana olmağa üstünlük verdi və uşaq dünyaya gətirən zaman vəfat etdi.

Aktyor Ələsgər Ələkbərov. Hər zaman ağır xarakterli, ciddi görkəmli dramatik rolların ifaçısı kimi tanınan aktyor Ələsgər Ələkbərovun kinodakı son işi Rüstəm kişi obrazını canlandırdığı "Böyük dayaq” filmi oldu. "Böyük dayaq” filminin adını çəkməyimiz təsadüfi hal deyil.

 

Deyilənlərə görə, filmin son kadrlarının çəkilişi zamanı baş verən xoşagəlməz hadisə sonradan aktyorun dünyadan köçməsinə səbəb olub. Qeyri-rəsmi məlumata görə, "Lal Hüseyn-Rüstəm kişi davası” çəkilərkən Ələsgər Ələkbərovun başına gerçəkdən dəyənək zərbəsi dəyir. Və aldığı xəsarət sonradan onun həyatdan köçməsinə səbəb olur. 

 

O zaman böyrəklərindən də ciddi əziyyət çəkən aktyora filmi görmək də qismət olmur.

 

Faciəvi şəkildə ölən Azərbaycan SƏNƏTÇİLƏRİ

Aktyor Kamil Məhərrəmov. "Evlənmək istəyirəm” ("Papaq”) filmindəki dilsiz-ağızsız tütək çalan Hüseyn, "Dərviş Parisi partladır”da Qəmbər,  "Yol əhvalatı”nda Paşa obrazlarını canlandıran aktyor Kamil Məhərrəmov da çox qəribə bir ölümlə bu dünyaya vida deyib. 

 

 

Teatrın avtobusu hamını evinə düşürüb, Kamil Məhərrəmov avtobusda necə yuxuya gedibsə, sürücü onu oyada bilməyib. Buna görə də avtobusun qapısını açıq qoyur ki, oyananda durub evinə getsin. Səhər gəlib görürlər ki, elə oturacaqda dünyasını dəyişib. 52 yaşında vəfat edən aktyorun həyatında faciəli məqamlar çox oldu. Təbii ki, burada onun öz sağlamlığından çox içkini sevməyi də əsas rol oynayırdı.

 

Aktyor Ağadadaş Qurbanov. Gənc Tamaşaçılar Teatrının yaradıcılarından biri, SSRİ xalq artisti Ağadadaş Qurbanov da ani bir səhvin üzündən dünyasını dəyişib. Xalq artisti Gülxar Həsənovanın həyat yoldaşı, aktrisa Gülşən Qurbanovanın atası olan qocaman aktyorun ölümünə səbəb eyvan olub. "Arşın mal alan" filmində Soltan bəy roluna çəkilən aktyor kinolentinin tamamlandığı ərəfədə Salyanda qastrolda olub. Mehmanxananın eyvanına çıxanda qəfildən eyvan uçub və sənətkar  faciəli şəkildə ölüb.

 

ə

Ağadadaş Qurbanovun aktyor oğlu Hamlet Qurbanov da faciəli ölümlə üzləşib. Uzun müddət xərçəngdən əziyyət çəkən istedadlı aktyor ölümü ərəfəsində  çox az adam tərəfindən xatırlanıb. Aktyorun özü də, ətrafı da tez bir zamanda onun öləcəyini bilirdilər. Lakin ölümünə yaxın üzləşdiyi şiddətli ağrılardan xilas olmaq üçün əksər hallarda lazım olan iynə və dərman preparatları belə, ona çox görüldü. 

 

 

Deyilənə görə, dəhşətli ağrılar içində qovrulan Hamlet yaxınlarına yalvarırmış ki, "mənə iynə vurun ki, ölüb acılardan xilas olum”. Aktyor elə-beləcə 1995-ci ildə ağrı içində faciəli şəkildə vəfat edib. 

Aktyor Hamlet Xanızadə. Bu böyük aktyorun da ölümü faciəvi və ibrətamiz məqamlarla doludur. 1990-cı ilin 20 Yanvar hadisələri Hamlet Xanızadənin öz həyatında faciəyə səbəb olub. O, ölümünə yaxın hər gün Şəhidlər Xiyabanını ziyarət edərək, şəhidlərə yas tutur.  Öldüyü  gün də  Şəhidlər Xiyabanına gedir, kövlərlib, ağlamaq istəyir. Amma səhnədə dəfələrlə ağlayan aktyorun nə qədər istəsə də, gözündən bir damcı yaş çıxmır. Kinostudiyaya qayıdır və orada halı dəyişir. Başına yığılan sənət dostlarına "Narahat olmayın, mən şəhidlərin heç birindən artıq deyiləm” deyir. Daha bir qəfil ölüm...

 

Müğənni Eyvaz Həsənov. Öz vizual görkəminə görən seçilən xanım müğənni Təranə Vəlizadənin həyat yoldaşı və duet ortağı olan  Eyvaz Həsənov da faciəli şəkildə dünyasını dəyişib. Avtomobil qəzası onun da həyatına son qoydu. Bu ölümdən sonra çox şey dəyişdi. Çoxlarının gələcəyinə həsəd apardığı Təranə Vəlizadə uzun müddət səhnədən uzaq düşdü. Bu gün bir çox mahnıları müğənnilər tərəfindən ifa edilən Eyvaz Həsənov isə demək olar ki, tamamilə yaddan çıxdı.






Загрузка...
loading...

Həmçinin oxuyun:
Direktor toya nəmər kimi diplom salıb - Azərbaycanda

Direktor toya nəmər kimi diplom salıb - Azərbaycanda

AMEA-nın şöbə müdiri vəfat edib

AMEA-nın şöbə müdiri vəfat edib

Bakıda ikinci sinif şagirdi əməliyyat zamanı öldü

Bakıda ikinci sinif şagirdi əməliyyat zamanı öldü

Osmanlı sultanlarının ölüm səbəbləri- Acı və müəmmalı gerçəklər

Osmanlı sultanlarının ölüm səbəbləri- Acı və müəmmalı gerçəklər

Oğluna adı qoyulan ŞƏHİDİN sonuncu zəngi:

Oğluna adı qoyulan ŞƏHİDİN sonuncu zəngi: "Gələ bilməyəcəm”

Prezident təhsil işçilərini təltif edib – SİYAHI

Prezident təhsil işçilərini təltif edib – SİYAHI

Bakıda universitet tələbəsi kirayə qaldığı evdə müəmmalı şəkildə ölüb

Bakıda universitet tələbəsi kirayə qaldığı evdə müəmmalı şəkildə ölüb

Birinci sinifə getdiyi gün vəfat edən Ucal və qardaşının acı taleyi – VİDEO

Birinci sinifə getdiyi gün vəfat edən Ucal və qardaşının acı taleyi – VİDEO

Tibb Universitetinin tələbəsi faciəli şəkildə həyatını itirdi

Tibb Universitetinin tələbəsi faciəli şəkildə həyatını itirdi

Bakıda tələbə faciəli şəkildə öldü

Bakıda tələbə faciəli şəkildə öldü

6 tələbənin ölümünə səbəb olan sürücünün 14 nəfərlik mikroavtobusa 27 sərnişin götürdüyü məlum olub

6 tələbənin ölümünə səbəb olan sürücünün 14 nəfərlik mikroavtobusa 27 sərnişin götürdüyü məlum olub

6 tələbənin ölümünə səbəb olan sürücünün vəkili hər kəsi təəccübləndirdi

6 tələbənin ölümünə səbəb olan sürücünün vəkili hər kəsi təəccübləndirdi

Ceyranbatanda müəllimə toy bazarlığını edib qayıdarkən qəflətən dünyasını dəyişib

Ceyranbatanda müəllimə toy bazarlığını edib qayıdarkən qəflətən dünyasını dəyişib

Gəncədə müğənni sürücü yarışdı və piyada müəlliməni vurub öldürdüFOTO/VİDEO(18+şəkil)DƏHŞƏT

Gəncədə müğənni sürücü yarışdı və piyada müəlliməni vurub öldürdüFOTO/VİDEO(18+şəkil)DƏHŞƏT

ADMİU-da təhsil alan magistr tələbəsinin “Səhnədəki ömür” adlı elmi məqaləsi işıq üzü gördü

ADMİU-da təhsil alan magistr tələbəsinin “Səhnədəki ömür” adlı elmi məqaləsi işıq üzü gördü

BDU-nun kafedra müdiri vəfat etdi

BDU-nun kafedra müdiri vəfat etdi

Azərbaycanda müəllim dərs vaxtı ölüb

Azərbaycanda müəllim dərs vaxtı ölüb

Bakıda məktəb direktoru qəfil öldü

Bakıda məktəb direktoru qəfil öldü

Bakıda məktəb direktoru yıxılaraq ölüb

Bakıda məktəb direktoru yıxılaraq ölüb

SDU-nun rektoru avtoqəzada xəsarət alan tələbələrlə görüşdü

SDU-nun rektoru avtoqəzada xəsarət alan tələbələrlə görüşdü

ATV-nin “Yoxlama”sı  ilə qalmaqal yaşayan direktor vəfat etdi

ATV-nin “Yoxlama”sı ilə qalmaqal yaşayan direktor vəfat etdi

ADPU-nun Cəlilabad Filialında 20 Yanvar faciəsinə həsr olunmuş tədbir keçirilib

ADPU-nun Cəlilabad Filialında 20 Yanvar faciəsinə həsr olunmuş tədbir keçirilib

“Bir ayrılıq,bir də ölüm, kaş ki, heç biri olmayaydı...”

“Bir ayrılıq,bir də ölüm, kaş ki, heç biri olmayaydı...”

TARİXİN SİRLƏRİ ! Atatürkün sirli ölümü və gizlədilən vəsiyyəti

TARİXİN SİRLƏRİ ! Atatürkün sirli ölümü və gizlədilən vəsiyyəti