Balaca ürəklərə böyük sevinc - ƏTRAFLI
Balaca ürəklərə böyük sevinc: “Tıq-tıq xanım” tamaşası
“1 İyun - Uşaqların Beynəlxalq Müdafiəsi Günü münasibətilə uşaqlarımızın hərtərəfli inkişafı, onların dünyagörüşünün genişlədirilməsi, habelə mədəni dəyərlərin uşaqlara erkən yaşlardan aşılanması məqsədilə Hop-Hop Kukla Teatrının dəstəyi ilə Xırdalan şəhər 15 və 23 saylı körpələr evi–uşaq bağçalarında sevimli “Tıq-tıq xanım” tamaşasını balaca izləyicilərimizə təqdim etdik.”
Bu barədə Milli Məclisin deputatı Nigar Məmmədova məlumat verib.
AzTehsil.com xəbər verir ki, deputat bildirib ki, Azərbaycan uşaq ədəbiyyatının sevilən obrazı olan “Tıq-tıq xanım” tamaşası balaca izləyicilər tərəfindən böyük sevinc və maraqla qarşılandı. Kukla personajlarının canlandırdığı bu nağıl, təkcə əyləncə deyil, həm də dostluq, səbr və yardımsevərlik kimi vacib həyat dəyərlərini uşaqlara çatdırmağı hədəfləyir: “Tamaşa zamanı uşaqlar qəhrəmanlarla birgə gülüb, düşündü və öyrəndi. Bu da teatrın uşaqların emosional və sosial inkişafında nə qədər mühüm rol oynadığının göstəricisidir”.
