Azərbaycanda məzunlar məktəb proqramının 42–73%-ni MƏNİMSƏMİR - DİM
Ötən il ali təhsil müəssisələrinə imtahan vermiş abituriyentlərin Azərbaycan və rus bölmələri üzrə ayrılıqda ortastatistik portreti müəyyənləşdirilib.
Bu barədə Dövlət İmtahan Mərkəzinin (DİM) "Abituriyent 12" jurnalında qeyd edilib.
Belə ki, Azərbaycan bölməsində ortastatistik abituriyent I mərhələdə ana dili fənnindən test tapşırıqlarının 50.83, riyaziyyatdan 32.10, ingilis dilindən 43.53%-nə, II mərhələdə ana dilindən 51.42, ədəbiyyatdan 55.39, riyaziyyatdan 26.58, fizikadan 32.67, kimyadan 35.11, biologiyadan 49.44, tarixdən 40.32, coğrafiyadan 30.59%-inə düzgün cavab verib.
Rus bölməsində ortastatistik abituriyent isə I mərhələdə ana dili fənnindən test tapşırıqlarının 56.87, riyaziyyatdan 34.25, ingilis dilindən 57.93%-nə, II mərhələdə ana dilindən 51.80, ədəbiyyatdan 53.46, riyaziyyatdan 27.86, fizikadan 32.30, kimyadan 35.49, biologiyadan 42.03, tarixdən 33.64, coğrafiyadan 28.06%-inə düzgün cavablandırıb.
Abituriyentlərin cavab göstəricilərindən aydın olur ki, ortastatistik abituriyent fənlər üzrə testlərin yalnız 27-58 faizinə düzgün cavab verib.
"Test tapşırıqlarının məktəb proqramı çərçivəsində hazırlandığını və bu çərçivədən kənara çıxmadığını, qəbul imtahanında iştirak edənlərin məktəbin seçilən şagirdləri olduğunu nəzərə alsaq, belə qənaətə gəlmək olar ki, ortastatistik məzun məktəb proqramının 42–73%-ni mənimsəmir. Bu isə ümumi təhsil müəssisələrimizin böyük qismində tədris prosesinin normal aparılmamasından, tələbkarlığın zəifliyindən, ən başlıcası isə müəllimlərin çoxunun peşəkarlıq səviyyəsinin aşağı olmasından və tədris prosesində yeni təlim üsulları və texnologiyalarından istifadə edə bilməməsindən irəli gəlir. Odur ki, bu sahədə həyata keçirilməsi vacib olan digər tədbirlərlə yanaşı, müəllimlərin müasir elmi əsaslarla ixtisasının artırılması, ali təhsil müəssisələrində pedaqoji kadrların hazırlanması səviyyəsinin yüksəldilməsi və gələcək müəllimlərə lazımi pedaqoji-metodiki bilik və bacarıqların aşılanması məsələləri diqqət mərkəzində olmalıdır.
Qeyd olunanlarla yanaşı, abituriyentləri yüksək nəticələr qazanan qabaqcıl rayonların, məktəblərin, eləcə də öz yüksək nəticələri ilə fərqlənən müəllimlərin qabaqcıl təcrübəsi öyrənilməli və yayılmalıdır", - DİM-in jurnalında vurğulanıb.
DİM-dən Təhsil Nazirliyinə İRAD: "Müəllimlərin çoxunun peşəkarlıq səviyyəsi aşağıdır"
Azərbaycanda məzunlar məktəb proqramının 46-71%-ni mənimsəmirlər
"Məcburi köçkün məktəblərinə yerdəyişmə avqustun 26-dan etibarən mümkün olacaq"
Rusdilli təhsilə maraq niyə artıb? - Ana dilindən imtinanın səbəbləri... - RƏYLƏR
Ən yaxşı ingilis dili kursları hansılardır?
Məleykə Abbaszadə DİM-in yaradılmasının 5-ci ildönümü ilə bağlı fikirlərini bölüşüb
Məktəblərin rus bölmələrinə maraq niyə artır?
İki yüz min şagirdin taleyi ilə necə oynamaq olar?! – Ekspetdən DİM-ə sərt ittihamlar
2020-2021-ci tədris ili üçün ümumi təhsil müəssisələrinin I sinfinə şagird qəbulunun elektron sistem vasitəsilə həyata keçirilməsinə dair SUAL-CAVAB
Görülən tədbirlərin nəticəsi həm kəmiyyətdə, həm də keyfiyyətdə özünü göstərib
2020-2021-ci dərs ili üçün I sinfə şagird qəbulu ilə bağlı suallar və onların cavabları
Buraxılış imtahanlarının hesablanma qaydası -İZAHLI VƏ SADƏ FORMADA
Ali məktəblərə qəbul üçün müsabiqə şərtləri açıqlanıb
Buraxılış imtahanlarında balların hesablanma qaydası -İZAHLI VƏ SADƏ FORMADA
Nəticələr və yekun qiymətləndirmə necə hesablanır? - Buraxılış imtahanları ilə bağlı bütün suallara cavab
Ali təhsil müəssisələrinə ixtisas seçimi başlanıb
“Ümumi təhsil pilləsində təhsilalanların yekun qiymətləndirilməsinin (attestasiyasının) aparılması Qaydaları təsdiq edilmişdir”.
“Ya bu imtahanın qəliz mexanizmi aradan götürülməldir, ya da DİM-inə müəyyən maliyyə dəstəyi olmalıdır”
I qrup üzrə ixtisasların ən son keçid balları - Abituriyentlərin diqqətinə!
Ali məktəblərin boş qalan yerlərinə qruplar üzrə müsabiqə şərtləri açıqlanıb
DİM kolleclərə 9 sinif bazasından tələbə qəbulu elan edir
I ixtisas qrupu üzrə ötənilki keçid balları - Abituriyentlərin nəzərinə!
Paytaxt təhsili 2021-ci təqvim ilində
Yeni dərs ili üçün tələbə qəbulu – QAYDALARI