Nazir: "Zəfər tarixi” dərsliyi növbəti həftələrdən məktəblərə paylanılacaq"-FOTO
“Artıq “Zəfər Tarixi” dərsliyi hazırdır. Bu dərslik əvvəlki illərdə tədris olunan Qarabağ tarixi fakültətiv məşğələsinin ardı kimi tədris ediləcək”.
Bunu təhsil naziri Emin Əmrullayev "Zəfər yolu" inşa müsabiqəsinin qaliblərinin mükafatlandırılması mərasimində çıxış edərkən deyib.
Onun sözlərinə görə, dərslik növbəti həftələrdən məktəblərə paylanılacaq: “Bu tədris ilindən bütün məktəblərdə tədris ediləcək. Bu fənn Azərbaycanın təhsil məzmununda özünəməxsus yer tutacaq. Bu dərslik vasitəsi ilə Zəfərə necə gəlib çatdığımız barədə məlumatlanacaqlar. Bu dərsliyin hər il yenilənməsi nəzərdə tutulur. Çünki Zəfərdən sonra da Azərbaycan yeni zəfərlər qazanır. Azad olunan ərazilərdəki quruculuq işləri də qələbədir”.
"Zəfər tarixi" dərsliyidəki mövzuların təliminin həmin yerlərdə təşkilini çox vacib hesab edirəm. Bu dərsi keçən hər bir şagird Hərbi Qənimətlər Parkında, işğaldan azad edilmiş ərazilərdə olmaqla bunu etmək daha düzgündür. Nəinki abstrakt formatda uşaqlara bu bilikləri çatdırmaq.
