Xəbərlər / Səhiyyə
19 sentyabr 2021
1 011
Həkim koronavirusla mübarizəni çətinləşdirən səbəbi açıqladı
Koronavirus getdikcə zəifləyir. İnsanlıq mütləq qalib gələcək! Müalicə həkimi olmamağıma baxmayaraq, son həftələrdə yoluxub mənə müraciət edənlər arasında şəkərli diabet və hipertoniya xəstələri daxil olmaqla, antibiotik və digər lazımsız dərman preparatlarının qəbul edilməsindən çəkindirdiyim bütün xəstələr yaxşılaşıb.
Bu sözləri həkim-radioloq Aydın Əliyev deyib.
Həkim bildirib ki, ağırlaşan xəstələr peyvənd etdirməyənlər və vaxtından əvvəl lazımsız dərman preparatları qəbul edənlərdir:
"COVID-19 xəstəliyi zamanı KT-də və rentgendə görünən "buzlu şüşə" mənzərəsi, kölgəliklər Virxov triadası nəticəsində yaranan trombozun nəticəsidir. Koronavirus xəstəliyi zamanı ağciyərlərdə yaranan "buzlu şüşə" mənzərəsinin ən effektli müalicəsi antikoaqulyantların tətbiqidir. Antiviral və antibiotiklərin müsbət təsiri sübut edilməyib, onlar qaraciyərə toksiki təsir edərək virusla mübarizəni çətinləşdirirlər".
