Xəbərlər / Saglam həyat
25 iyun 2021
1 123
İsti hava beyinə belə təsir edir
ABŞ-ın Harvard Universiteti isti havanın insan beyninə təsirlərini araşdırıb.
Mütəxəssislər apardıqları çoxsaylı təcrübələrlə isti havada beyin funksiyalarının yavaşladığını sübut ediblər. Belə ki, temperatur yüksəldikcə məlumatların beyinə ötürülməsi prosesində nizamsızlıq yaranır. İşçilər və məktəblilər arasında aparılan müşahidə zamanı aydın olub ki, beynin istiyə qarşı dayanıqlı olmaması bütün yaş qrupları üçün keçərlidir. İsti otaqda oturanlar onlara təqdim olunan yaddaş testlərinin həllində olduqca çətinlik çəksələr də, temperaturu tənzimlənmiş otaqda oturanların 80%-i yaxşı nəticə göstəriblər.
İstiyə məruz qalan beyində sinirlərin tezliklərində fasilələrin yarandığı çəkilən tomoqrafiyalarda da aydın görünüb.
Araşdırmanın rəhbəri dr. Jose Guillermo Cedeno-Laurent bildirib ki, əldə olunan nəticələrə əsasən yay məktəblərinin proqramına dəyişikliklər edilməli, müəssisələrdə işin keyfiyyətini qaldırmaq üçün müvafiq tədbirlər görülməlidir.
