Xəbərlər
02 fevral 2021
1 204
Dövlət İmtahan Mərkəzində ilk ТРКИ imtahanı keçirilib
Dövlət İmtahan Mərkəzində ilk ТРКИ (Тест по русскому языку как иностранному) imtahanı keçirilib. 1 namizəd dillər üzrə ümumavropa tövsiyə çərçivə sənədinin (CEFR) səviyyələri ilə uyğunlaşdırılmış ТРКИ imtahanın ən yuxarı səviyyəsi–C2 üzrə imtahan verib.
DİM-dən verilən məlumata görə, 30 yanvar 2021-ci il tarixində Dövlət İmtahan Mərkəzində ilk ТРКИ (Тест по русскому языку как иностранному) imtahanı təşkil edilib.
Dördüncü sertifikat səviyyəsini (ТРКИ-IV / C2) seçmiş namizəd üçün imtahan onlayn qaydada keçirilib. İmtahan nəticələri 7 iş günündən sonra email vasitəsilə namizədə göndəriləcəkdir.
Qeyd edək ki, hazırda Azərbaycanda yeganə fəaliyyət göstərən ТРКИ – beynəlxalq rus dili imtahanının rəsmi test mərkəzi Dövlət İmtahan Mərkəzidir.
İmtahana qeydiyyat və digər məsələlərlə bağlı daha ətraflı məlumatla buradan tanış olmaq mümkündür.
