Xəbərlər
09 mart 2018
3 037
SAT imtahanı keçiriləcək
Martın 10-da Dövlət İmtahan Mərkəzində növbəti SAT (Sxolastik Qabiliyyət Testi) imtahanı keçiriləcək.
Dövlət İmtahan Mərkəzindən Aztehsil.com-a verilən məlumata görə, imtahanda iştirak edəcək şəxslər saat 07:45-dən gec olmayaraq imtahan binasında olmalıdırlar.
İmtahana gecikən şəxslər test mərkəzinə buraxılmayacaq. İmtahan saat 08:30-da DİM-in Yasamal rayonu, Mikayıl Müşfiq küçəsi, 1M ünvanında yerləşən inzibati binasında başlayacaq. İmtahanın müddəti 3 saat 45 dəqiqədir (fasiləsiz).
SAT imtahanları və qeydiyyatdan keçmək haqqında ətraflı məlumatı keçiddən əldə etmək mümkündür: http://dim.gov.az/activities/exams/sat/
