Xəbərlər / Abituriyent
16 iyun 2020
1 405
Qabiliyyət tələb edən imtahanlar toplanılan yekun bal əsasında aparılacaq -RƏSMİ
AzTehsil.com DİM-ə istinadən xəbər verir ki, 2020/2021-ci tədris ili üçün ali təhsil müəssisələrinin bakalavriat səviyyəsinə aid xüsusi qabiliyyət tələb edən Musiqi müəllimliyi, Təsviri incəsənət müəllimliyi, Fiziki tərbiyə və çağırışaqədərki hazırlıq müəllimliyi və Məşqçilik ixtisaslarına qəbul olmaq üçün qabiliyyət imtahanları keçirilməyəcək, müsabiqə yalnız qəbul imtahanının birinci mərhələsində (cari ilin məzunları üçün buraxılış imtahanında) toplanılan yekun bal əsasında aparılacaqdır.
Qeyd edək ki, 18 və 19 iyun tarixlərində imtahan keçiriləcək rayon və şəhərlərin siyahısı DİM-in rəsmi saytına yerləşdirilib. Digər şəhər və rayonlar üzrə imtahanlar (o cümlədən əvvəlki illərin məzunları üçün qəbul imtahanları) ictimaiyyətə əvvəlcədən məlumat verilməklə növbəti həftə içi günlərində keçiriləcəkdir.
