Universitetlərin təhsil istiqaməti üzrə reytinqi müəyyənləşib

Yeni tədqiqatda ali məktəblərin akademik effektivliyi qiymətləndirilib

Böyük Britaniyanın ali təhsil xidmətləri sahəsində ixtisaslaşmış "Times Higher Education” (THE) dərgisinin tədqiqat mövzularından biri ali təhsil müəssisələrinin ixtisas hazırlığı istiqamətləri üzrə qiymətləndirilməsidir.

Builki tədqiqatda universitetlər 11 – kliniki, kliniköncəsi və sağlamlıq; təbiət elmləri; fiziki elmlər; psixologiya; biznesin iqtisadiyyatı; təhsil; qanun, sosial elmlər; maşınqayırmanın texnologiyası; kompüter elmləri; incəsənət və humanitar elmlər istiqamətlərində qiymətləndirilib.

Universitetlərin təhsil istiqaməti üzrə qiymətləndirməsində qlobal reytinqlərdə olduğu kimi, eyni dərəcədə etibarlı və ciddi performans göstəricilərindən istifadə olunur, çəki əmsalı ayrı-ayrı sahələr üzrə üst-üstə düşür. Reytinq universitetlərdə təhsilin effektivliyi, müəllimlərin hazırlanması və tədris fənləri üzrə akademik araşdırmaları qiymətləndirir.

Ötən illə müqayisədə (428) builki tədqiqatda 477 universitet yer alıb. Reytinqin ilk sıralarında ABŞ-ın Stanford və Harvard universitetləri önə çıxıb. Honkonq Universiteti reytinqdə üçüncü yerə yüksəlib, Oksford Universiteti isə bir qədər irəliləyərək dördüncü yerdə qərarlaşıb. Berkli Kaliforniya Universiteti isə bu il 2 sıra geriləyərək beşinci yeri tutub. Nyu-York Universiteti 21 pillə yüksələrək bu il 13-cü yerə qalxıb ki, bu da ciddi nailiyyətdir.

Reytinqin ilk 10-luğunda, əsasən ABŞ və Böyük Britaniya universitetləri yer alıb. Asiya qitəsini liderlər sırasında Honkonq Universiteti təmsil edir ki, bu da adıçəkilən ali təhsil müəssisəsinin qlobal reytinqdə güclənməsinin daha bir təzahürüdür. Reytinqin ilk 10-luğunda aşağıdakı ali məktəblər yer alıb:

1. Stenford Universiteti;

2. Harvard Universiteti;

3. Honkonq Universiteti;

4. Oksford Universiteti;

5. Kaliforniya Berkli Universiteti;

6. Pesilvaniya Universiteti;

7. Kembric Universiteti;

8. Los-Anceles Kaliforniya Universiteti;

9. Viskonsin Medison Universiteti;

10. Miçiqan Arbur Universiteti.

Reytinqlə daha ətraflı https://www.timeshighereducation.com/world-university-rankings/2020/subject-ranking/education səhifəsindən tanış olmaq olar.

Həmçinin oxuyun:

Ən çox Nobel alan universitetlər - SİYAHI

Dünyanın ən yaxşı 5 universitetində bu ixtisasları pulsuz oxuya bilərsiniz-

"Əks halda Azərbaycanın heç bir universitetinin adını nəinki dünyanın ən güclü 10, heç 50 universiteti arasında da görmək indiki nəsilə müyəssər olmayacaq"