Azərbaycanda 235 bağça təmir olunacaq
Bu il Bakı şəhəri və regionlar üzrə 235 məktəbəqədər təhsil müəssisəsində cari təmir işlərinin aparılması nəzərdə tutulur.
Bu barədə Nazirlər Kabinetinin 2024-cü ildə fəaliyyəti haqqında hesabatında əks olunub.
AzTehsil.com xəbər verir ki, hesabatda qeyd olunub ki, hər il dövlət ümumi və məktəbəqədər təhsil müəssisələri monitorinq olunaraq təmir və tikintisinə ehtiyac olan müəssisələr müəyyənləşdirilir, müvafiq cari və dövlət investisiya proqramları çərçivəsində təmir-tikinti işləri həyata keçirilir.
Bildirilib ki, dövlət büdcəsinin mərkəzləşdirilmiş xərclərinin "Təhsil" bölməsi üzrə Elm və Təhsil Nazirliyinə ayrılmış müvafiq vəsaitlər hesabına Bakı şəhəri 328 saylı körpələr evi-uşaq bağçasında əsaslı təmir işləri aparılıb.
Həmçinin bu il Bakı şəhəri və regionlar üzrə 235 məktəbəqədər təhsil müəssisəsində cari təmir işlərinin aparılması nəzərdə tutulur.
Eyni zamanda növbəti illərin dövlət investisiya proqramları çərçivəsində yeni məktəbəqədər təhsil müəssisələrinin tikintisi işləri davam etdiriləcək.
