Müəllimlər arasında yayılan bullinq halları....

Müəllimlərə edilən zorakılıq halları getdikcə artır. Günümüzdə mobbinq (işdə psixi terror, vəzifəli şəxsin işçini alçaltması) halları, psixi bullinq halları daha çox artıb. Nəzərə almaq lazımdır ki, Direktorun, Təlim tədris hissə müdirinin və ya sıravi bir müəllimin hər hansı şəxsə qarşı bullinqi son dərəcə geniş yayılmışdır. Tapşırıqla vəzifəyə gələn və ya vəzifəli qohumu olan direktorlar və direktor müavinləri işçilərinə qarşı kpbud rəftarı, bullinqi özlərinə daha çox haqq bilirlər. Bu halların qarşısının alınması üçün heç bir tədbir görülmür. Sürətlə cəmiyyətimizdə bu hallar artır. Xüsusilə müəllimlər arasında, təlim tərbiyə müəssisəsində bu halların artması daha təhlükəli və xoşagəlməzdir.

AzTehsil.com-n məlumatına görə Son hallarda ən qəribə yayılan bullinq hallarını isə sizlər üçün təqdim edirik:

-Sertifikasiyadan keçənlər keçməyənlərə, sertifikasiyadan yüksək bal toplayanlar zəif bal toplayanlara da zorakılıq edirlər.

-Fərdi repetitorluğun geniş miqyas aldığı günlərdə müəllimlər bir-birilərinə bullinq edirlər və daha çox şagird əldə etməyə çalışırlar.

-Müəllimləri bezdirib işdən zorla çıxmağa məcbur etmək halları da az deyil.

-Vəziyyət o həddə gəlib çatmışdır ki, geyimlərinə, görkəmlərinə, danışıqlarına, hətta şagirdlərinin uğuruna görə bullinqə məruz qalan müəllimlər var.

-Ən təhlükəlisi isə artıq hər kəs bir-birinin səs yazısını, videosunu çəkib işdən çıxartdırmağa çalışır.

Əvvəla qaydaları bilmək lazımdır. Hər birimizin hüquqları var. Həm konstitusiyamızda alçaldıcı və təhqiredici, şəxsiyyəti alçaldan hərəkətlərə qarşı qanunumuz var, həm də "Etik davranış qaydaları" nda qəbul edilmiş prinsiplərimiz var. Bu qanunlara əsasən bullinq edən, mobbinq edən müəllimlərin birbaşa işdən azad edilməsi qanunları qeyd edilmişdir.

Onu da qeyd etmək istərdik ki, səs yazmaq, video çəkmək sadəcə səsini yazdığınız adamı deyil, eyni zamanda icazəsiz belə bir hərəkət etdiyinizə görə özünüz də məsuliyyətə cəlb olunacaqsınız.