Universitet mal-qaranı satıb? - Rəsmi CAVAB
Azərbaycan Dövlət Aqrar Universiteti (ADAU) ilə bağlı mətbuatda bir sıra iddialar yayılıb. İddiaların birində deyilir ki, universitetin təsərrüfatında 60-dan çox iribuynuzlu, 200-dən çox xırdabuynuzlu heyvan olub, lakin hazırda yalnız 7-8 iribuynuzlu, 40–45 xırdabuynuzlu heyvan qalıb. Tələbələr heyvanların satıldığını iddia ediblər.
AzTehsil.com xəbər verir ki, Modern.az iddialarla bağlı Azərbaycan Dövlət Aqrar Universiteti ilə əlaqə saxlayıb.
Universitetdən bildirilib ki, yazılan ittihamların hamısı əsassızdır və universitetin akademik nüfuzunu ləkələmək xarakteri daşıyır:
“Yerində tanışlıq üçün mən yenədə sizi Universitetə dəvət edirəm. Bu kimi yalan və əsassız açıqlamalar yayımlayan informasiya resursları ilə bağlı da hüquqşunasımız qanun çərçivəsində tədbirlərin görülməsi üçün prosesə start verib”, - açıqlamada deyilir.
