Xəbərlər
15 may 2019
2 142
Şagirdin vəziyyəti ağırdır
"Bakıda özünü məktəbin 2-ci mərtəbəsindən atan şagirdinin vəziyyəti orta-ağırdır".
AzTehsil.com Open.az-a istinadən xəbər verir ki, bu sözləri Səhiyyə Nazirliyinin mətbuat xidmətinin mütəxəssisi Səfayə Əhmədova söyləyib.
O bildirib ki, uşağın diz qapağında yerini dəyişməyən sınıq və dirsək oynağında sınıq var: "Hazırda reanimasiyadadır və vəziyyəti orta-ağır və stabildir".
Qeyd edək ki, mayın 13-də Bakı şəhəri 273 nömrəli tam orta məktəbin VIII sinif şagirdi özünü məktəbin 2-ci mərtəbəsindən atıb. Məktəbdən bildirilib ki, şagird dərsdən qaçmaq məqsədilə II mərtəbədəki sinif otağının pəncərəsindən əvvəlcə çantasını, sonra özünü aşağı atıb. Hazırda uşaq 1 saylı Şəhər Klinik Xəstəxanasına yerləşdirilib.
