Xəbərlər / Dünya
14 yanvar 2019
2 517
Tələbə qızı universitetdən azad etdilər
Misirin Qahirədəki ƏL- Əzhar universitetində oxuyan tələbə qızı kişi ilə qucaqlaşdığına görə qovublar.
Yanvarın əvvəlində təhsil müəssisəsinin kampusunda nişanlısı ilə qucaqlaşdığını əks etdirən video şəbəkələrdə yayınlanandan sonra qızı cəzalandırıblar. Videoda aydın görünür ki, kişi necə qıza sürpriz edir: buket hədiyyə edir, bir dizi üstə çökür və ona evlənmək təklif edir. Sonra onu qucaqlayır və əlini tutur.
Video universitet rəhbərliyinə çatdıqdan sonra tələbə qızın universitetdən azad edilməsi qərara alınıb. Əl-Əzhər universitetinin nümayəndəsi Əhməd Zareinin sözlərinə görə, qərar əsaslıdır, cəza qızın universitet qaydalarını pozduğuna görə verilib. Zarei qeyd edib ki, qız Yüksək İntizam Komissiyasına apellyasiya şikayəti verə bilər və ola bilsin ki, cəza bir qədər yumşaldılsın.
Eyni zamanda, kişiyə qarşı intizam tədbirləri görülməsi barədə məlumat verilmir.
Bildiyiniz kimi, tələbə qız dünyanın ən qədim universitetlərindən birində ərəb dilini öyrənirmiş. Əl-Əzhər ən nüfuzlu müsəlman mənəvi təhsil müəssisələrindən biridir.Lenta.ru
