Xəbərlər / Bakalavr
24 avqust 2018
2 878
BSU jurnalistika ixtisasına qeydiyyat davam edir...Yerlər dolur/FOTOLAR
Jurnalistika ixtisasına qabiliyyət tələb edildikdən sonra Bakı Slavyan Universitetində bu ixtisas üçün nəzərdə tutulan plan yerləri ard-arda 3 il müddətinə boş qaldı. Bu da universitetin ya piarının zəif olması ilə, ya da dövlət ya özəl olması barədə əhalidəki çaşqınlıqlarla əlaqələndirilirdi. Ancaq bu il BSU-nun jurnalistika ixtisasına hər iki sektor(azərbaycan və rus) üzrə abituriyentlər qeydiyyatdan keçib. Universitetin mətbuat xidmətinin rəhbəri İbrahim Quliyev bu barədə Aztehsil.com qısa açıqlama verib.
"İki gün əvvələ əsasən, Azərbaycan sektorunda plan üzrə yerlər dolub. Qeydiyyat da davam edir. Ümid edirəm 28-dək qəbul olunanların hamısı qeydiyyatdan keçəcək. Rus sektorunda isə boş yerlərimiz var. Ola bilsin ki, II turda həmin yerlər dolsun!
2018-2019-cu tədris ilində Bakı Slavyan Universitetinin jurnalistika fakültəsinə plan üzrə 40 nəfər tələbənin qəbulu nəzərdə tutulmuşdu. Onlardan 25 nəfərinin Azərbaycan bölməsinə, 15 nəfəri-nin rus bölməsinə qəbulu planlaşdırılırdı. Birinci turda Azərbaycan bölməsinə bütün yerlər tutulmuş və həmin yerlərə qeydiyyat başa çatmaq üzrədir. Lakin rus bölməsi üçün nəzərdə tutulan 15 yerdən cəmi 3-ü birinci turda, 2 yer ikinci turda tutulmuşdur. Sənəd qəbulu davam etməkdədir".
Qeyd edək ki, ölkədə yalnız üç universitetdə BDU, BSU və ADU da jurnalistika kafedrası fəaliyyət göstərir.
