Xəbərlər
11 fevral 2018
2 350
Köçürülən tələbələr təhsilhaqqını necə ödəyəcək? - Nazirlik AÇIQLADI
Təhsil Nazirliyi bir ali məktəbdən digər ali məktəbə köçürülən tələbələrin təhsilhaqqının ödənişi ilə bağlı bəzi məsələlərə aydınlıq gətirib.
Təhsil Nazirliyinin (TN) Ali və orta ixtisas şöbəsinin sektor müdiri Sülhəddin Gözəlov deyib ki, köçürülən tələbə tədris ilinin yarım ili üzrə təhsilhaqqını ödəyibsə, o, ikinci yarım il üzrə təhsilhaqqı ödəməməlidir:
"Çünki o, artıq bir ali təhsil müəssisəsindən digərinə köçürülmək üçün müraciət edir. Tələbə ikinci yarımildə başqa bir ali məktəbdə oxuyacaqsa, orada da ondan 2-ci yarım il üzrə təhsilhaqqı istəyəcəklər. Buna görə də tələbənin təhsil almadığı dövr üçün təhsilhaqqı ödəməsi absurddur. Tələbələr də bilməlidirlər ki, əgər köçürülmə üçün www.transfer.edu..az saytına müraciət edibsə, o, növbəti yarım il üçün ödəniş etməməlidir. Əgər köçürülməyəcəksə, təbii ki, oxuduğu ali məktəbdə təhsilhaqqını ödəməli olacaq".
S.Gözəlov qeyd edib ki, bu qaydalar bütün ali təhsil müəssisələri üçün eynidir.(trend)
