Xəbərlər
21 avqust 2017
3 695
Mən məzuniyyətdə ola ola yerim vakant verilib
Lerik şəhər Valeh İbrahimov adına İnteqrasiya təlimli internat tipli gimnaziyada qəribə olay baş verib. Belə ki, Valeh İbrahimov adına İnteqrasiya təlimli internat tipli gimnaziyada müəllim işləyən Fərziyev Asəf məzuniyyətdə ola ola heç bir xəbərdarlıq edilmədən yeri vakant yer kimi müsabiqəyə çıxarılıb.
Bu barədə Aztehsil.com-a açıqlamasında Fərziyev Asəf özü deyib:
"2016 ci ilin dekabrin 24 də müəllimlərin Diaqnostik Qiymətləndirməsində 41 ºC tempraturla iştirak etdim. İştirak etməsəydim əmək haqqım qalxmazdı. 32 bal topladım. 18 bal ixtisas, 14 kurikulum. Buna baxmayaraq, mən məzuniyyətdə ola ola yerim vakant verilib və yerimə adam təyin olunub. Diaqnostikaya girəndə bizə dedilər ki, 4 bal ixtisasdan, 2 balda kurikulumdan yığsanız kifayət edər. Mən tərəddüd etdim. Nə yaxşı ki etdim. 32 düz cavab çıxdı. Mən əminəm ki, 56- 60 bal yığa bilərdim. İndi mənə 10,12 saat dərs qalır. Üç məktəbli uşağım var. Gimnaziyada təhsil alırlar. 7 nəfərlik ailəyik. Yalnız mən işləyirəm. Direktor dəfələrlə mənim yerimə düşmüş Araz Qurbanovu gətirmək istəyib və mən ona mane olmuşam. Əminəm ki, bu bəhanədir. Xahiş edirəm ki, mənim və mənim kimi müəllimlərin problemlərini Respublika Prezidentinə və vitse Prizedentə çatdirasınız. Respublika Prezidentinin və vitse Prezidentin bu məsələ ilə bağlı humanist və ədalətli qərar verəcəyinə inanıram.”
