Respublika Kuboku iştirakçıları ilə görüş keçirilib
Beynəlxalq STEAM Azərbaycan Festivalı 2025-in final mərhələsi və “Nə? Harada? Nə zaman?” Respublika Kuboku iştirakçıları ilə görüş keçirilib
AzTehsil.com xəbər verir ki, noyabrın 3-də Quba–Xaçmaz Regional Təhsil İdarəsinin tabeliyindəki ümumi təhsil müəssisələrini təmsil edən, Beynəlxalq STEAM Azərbaycan Festivalı 2025-in final mərhələsində iştirak hüququ qazanan şagirdlər və mentorlarla Quba rayonu Rəhman Məmmədov adına Alekseyevka kənd tam orta ümumtəhsil məktəbində görüş təşkil edilmişdir. Görüş Festivalın final mərhələsində iştirak edəcək komandaların hazırlıq prosesi ilə bağlı həyata keçirilmişdir.
Qeyd edək ki, Beynəlxalq STEAM Azərbaycan Festivalı 2025-in final mərhələsində
region üzrə 20 komanda iştirak hüququ qazanmışdır.
Eyni zamanda, tədbirdə 26 oktyabr 2025-ci il tarixində Azərbaycan Respublikası Elm və Təhsil Nazirliyinin və “Kapital Bank”ın dəstəyi ilə, “Təhsil Oyunları Platforması”nın təşkilatçılığı altında məktəblilər arasında keçirilən “Nə? Harada? Nə zaman?” oyunu üzrə Respublika Kubokunda Quba–Xaçmaz Regional Təhsil İdarəsini təmsil edən 8 komandanın üzvləri və mentor müəllimləri də iştirak etmişlər.
