“Yaşıl Gələcək naminə Ekosistemi Qoru” layihəsi uğurla yekunlaşıb
“Yaşıl Gələcək naminə Ekosistemi Qoru” layihəsi uğurla yekunlaşıb
AzTehsil.com xəbər verir ki, Azərbaycan Gənclər Fondunun dəstəyi ilə həyata keçirilən “Yaşıl Gələcək naminə Ekosistemi Qoru” layihəsi uğurla yekunlaşıb. Layihənin icraçısı Nurlan Cəlilov tərəfindən reallaşdırılan təşəbbüsün əsas məqsədi gənclər arasında ekoloji şüuru artırmaq, ətraf mühitin qorunmasına diqqət çəkmək və yaşıl davranış mədəniyyətini təşviq etmək olub.
Layihə çərçivəsində qısa film, maarifləndirici videoçarxlar və sosial media posterləri hazırlanaraq gənclərin ən çox istifadə etdiyi platformalarda paylaşılmışdır. Paylaşılan materiallarda təbiətin qorunması, tullantıların azaldılması, enerjidən səmərəli istifadə, eləcə də Bakıdakı yaşıllaşdırma işləri və təmiz nəqliyyat vasitələrinin təşviqi kimi mövzulara toxunulub.
Layihə gəncləri ekoloji dəyərlərə daha həssas yanaşmağa, fərdi məsuliyyət hissini gücləndirməyə və yaşıl gələcək uğrunda birgə fəaliyyətə çağırıb.
