Yeni metodistlərlə görüş KEÇİRİLİB
Ümumi təhsil müəssisələrində 2025–2026-cı tədris ilində fəaliyyət göstərəcək yeni metodistlərlə görüş keçirilib.
04 sentyabr 2025-ci il tarixdə Quba-Xaçmaz Regional Təhsil İdarəsinin tabeliyində fəaliyyət göstərən ümumtəhsil müəssisələrinə yeni təyin olunmuş “Müasir metodist” layihəsində uğur qazanmış müəllimlərlə görüş təşkil olunub.
AzTehsil.com xəbər verir ki, Quba-Xaçmaz Regional Təhsil İdarəsinin Tədrisin keyfiyyəti sektorunun müdiri Aynurə Dadaşova görüşdə çıxış edərək, müasir metodistin pedaqoji prosesdə rolu və qarşıya qoyulan vəzifələr barədə ətraflı məlumat verib. O, metodistlərin təyin olunduqları məktəblərdə müəllimlərə metodik dəstək göstərməsinin, dərslərin səmərəliliyinin artırılması üçün müasir təlim texnologiyalarından istifadənin vacibliyini qeyd edib.
Görüş zamanı həmçinin metodistlərin fəaliyyət istiqamətləri, şagird nailiyyətlərinin yüksəldilməsinə dəstək göstərməsi və tədris keyfiyyətinin davamlı olaraq monitorinqinin aparılmasının əhəmiyyəti vurğulanıb. Tədbir iştirakçıları ilə fikir mübadiləsi aparılıb və onları maraqlandıran suallar cavablandırılıb.
