Bu regionda 41 məktəbində tikinti və təmir işləri aparılır
Mil-Muğan Regional Təhsil İdarəsinin tabeliyində fəaliyyət göstərən 41 ümumi təhsil müəssisəsində tikinti və cari təmir işləri aparılır.
AzTehsil.com xəbər verir ki bu barədə idarədən məlumat verilib.
Bildirilib ki, Saatlı rayonu İkram Ağayev adına Nabatkənd kənd və Sabirabad rayonu Zaur Əliyev adına Quruzma kənd tam orta ümumtəhsil məktəblərinin yeni binasının inşası, 5 uşaq bağçasının cari təmiri işləri davam edir.
Eyni zamanda, ehtiyac olan 34 təhsil müəssisəsində cari təmir və mühəndis-kommunikasiya işləri həyata keçirilir.
Təmir və tikinti işlərinin yeni tədris ili başlayana qədər başa çatdırılması nəzərdə tutulur.
Təhsil müəssisələrinin infrastrukturunun yaxşılaşdırılması istiqamətində görülən tədbirlər şagirdlərin və müəllimlərin daha müasir, təhlükəsiz və rahat şəraitdə fəaliyyət göstərməsinə şərait yaradır.
