Lisey məzunu dünyanın ən nüfuzlu ali məktəblərindən qəbul alıb
Kimya-biologiya təmayüllü Respublika liseyinin məzunu Ümid Mustafazadə dünyanın ən nüfuzlu ali məktəblərindən qəbul alıb.
17 yaşlı Ümid Mustafazadə 2025-ci ildə liseyi bitirərək Sinqapur Milli Universitetinin (NUS) Kimya mühəndisliyi ixtisasına qəbul olunub. O həmçinin Cənubi Koreyanın KAİST, Çinin Honq-Konq Universiteti (HKU) və digər nüfuzlu ali məktəblərdən də qəbul dəvəti alıb.
AzTehsil.com qeyd edək ki, Ümidin seçimi olan NUS universiteti dünya reytinqində 8-ci, Asiya üzrə isə 1-ci yerdə qərarlaşıb. Gənc istedad “Gənclərin xarici ölkələrin nüfuzlu ali təhsil müəssisələrində təhsil almalarına dair 2022-2028-ci illər üçün Dövlət Proqramı”nın qalibi olaraq təhsilini orada davam etdirəcək.Ümid Mustafazadənin beynəlxalq və respublika olimpiadalarında qazandığı uğurlar da diqqətəlayiqdir:
– Beynəlxalq Kimya Olimpiadası (IChO 2024, 2025) – Bürünc medal
– Beynəlxalq Metropoliyalar Kimya Olimpiadası (IMChO 2024, 2025) – Bürünc medal
– Respublika Fənn Olimpiadası (RFO 2023, 2024, 2025) – Qızıl medal
Bundan əlavə, o, yüksək göstəriciləri ilə də seçilir:
– IELTS: 7.5
– SAT: 1500 bal
Ümid Mustafazadə həm elmi nailiyyətləri, həm də beynəlxalq göstəriciləri ilə Azərbaycanın fəxri hesab olunur.
