İkinci iş yerində çalışmaq istəyən müəllimlərin nəzərinə!

Müddətli əmək müqaviləsi ilə ikinci iş yerində çalışmaq istəyən müəllimlərin nəzərinə!

AzTehsil.com xəbər verir ki, yalnız Quba-Xaçmaz Regional Təhsil İdarəsinin tabeliyində fəaliyyət göstərən ümumi təhsil müəssisələrində ikinci iş yeri üzrə müddətli əmək müqaviləsi ilə fəaliyyət göstərmək istəyən müəllimlər üçün qeydiyyat başlayıb.

Tələblər:  

Hazırda ümumi təhsil müəssisəsində müddətsiz müqavilə ilə çalışmaq

Hazırda çalışdığı təhsil müəssisəsində dərs yükünün 18 saatdan az olması 

Seçəcəyi vakansiya ilə birlikdə ümumi dərs yükünün 24 saatdan artıq olmaması  

Sertifikatlaşdırma üzrə test nəticəsinin minimum 85% olması

Sertifikatlaşdırma keçirilməyənlərə münasibətdə sonuncu qiymətləndirmə (diaqnostik qiymətləndirmə və ya müəllimlərin işə qəbulu üzrə müsabiqə) nəticəsinin minimum 85% olması

1 vakant yerə 1 nəfərdən artıq namizəd olduğu halda seçim ardıcıllığı aşağıdakı kimi müəyyən olunur:

 Sertifikasiya nəticəsi ən yüksək olan namizədə, sertifikatlaşdırma prosesində iştirak etməyən namizədlərdə sonuncu qiymətləndirmə (diaqnostik qiymətləndirmə və ya müəllimlərin işə qəbulu üzrə müsabiqəsinin) nəticəsi ən yüksək olan namizədə üstünlük verilir.

Xüsusi qeyd:  

Həvəsləndirmə tədbirləri tətbiq olunan məktəblərdə çalışanların həvəsləndirmə tədbirləri tətbiq edilməyən məktəblərdə ikinci iş yerində çalışmasına icazə verilmir. 

Müddətli əmək müqaviləsi ilə ikinci iş yerində çalışmaq üçün Quba-Xaçmaz Regional Təhsil İdarəsinin tabeliyində fəaliyyət göstərən ümumi təhsil müəssisələrində çalışan müəllimlər seçim edə bilərlər.

 Namizədlər yalnız 1 vakant yer seçə bilərlər. 

Məqsədimiz yüksək nəticə göstərmiş müəllimlərin daha çox şagirdə çıxışını təmin etmək və tədrisin keyfiyyətini artırmaqdır.

Vakansiya siyahısı - https://l24.im/wa9ObM

 Qeydiyyat linki - https://l24.im/I45ek

Son qeydiyyat tarixi: 14 iyul / saat 09:00