Musiqi sənəti üzrə imtahanların vaxtı açıqlanıb
Musiqi sənəti istiqaməti üzrə qabiliyyət imtahanlarının vaxtı məlum olub. AzTehsil.com bu barədə Dövlət İmtahan Mərkəzinə məlumat yayılıb.1 - 18 iyul tarixlərində Musiqi sənəti istiqaməti üzrə qabiliyyət imtahanları keçiriləcək. İmtahanlar Bakı və Naxçıvan şəhərlərində təşkil ediləcək.Bildirilib ki, 18, 19, 20, 22, 23, 24, 25, 26, 27, 28, 29, 30, 31, 36, 69, 71, 72, 73, 74, 75, 95 və 96-cı qabiliyyət imtahanı komissiyaları üzrə qeydiyyatdan keçən abituriyentlər (subbakalvrlar) imtahana buraxılış vərəqələrini çap edə bilərlər.İmtahanlar Musiqi müəllimliyi (32 və 33 komissiya) ixtisası üzrə qabiliyyət imtahanı 18 iyul tarixində keçiriləcək. Bu komissiya üzrə qeydiyyatdan keçən abituriyentlər (subbakalavrlar) buraxılış vərəqələrini imtahana 5 gün qalmış çap edə biləcəklər.Abituriyentlər imtahana gələrkən aşağıdakı sənədləri özləri ilə gətirməlidirlər:Şəxsiyyəti təsdiq edən sənədin əslini;İmtahana buraxılış vərəqəsini;
Proqram formasını (musiqişünaslıq ixtisası istisna olmaqla).Proqram formasında qeyd olunan əsərlərin imtahan zamanı dəyişdirilməsinə icazə verilmir və həmin əsərə görə nəticə 0 balla qiymətləndiriləcək.Abituriyentləri müşayiət edəcək konsertmeysterlər https://eservices.dim.gov.az/wpfqab/ linkinə daxil olaraq qeydiyyatdan keçməli və buraxılış vərəqəsini çap etməlidirlər. Buraxılış vərəqəsi olmayan konsertmeysterlər imahan binasına buraxılmayacaqlar.Qabiliyyət imtahanlarının məzmunu, qiymətləndirmə meyarları və qəbul proqramları haqqında məlumatlar “Abituriyent” jurnalının 2025-ci ildə nəşr olunan xüsusi buraxılışlarında verilib.Qabiliyyət imtahanlarının qrafiki haqqında məlumatla buradan tanış ola bilərsiniz.Qeyd edilib ki, qrafik mütəmadi olaraq yenilənir və digər imtahanların tarixləri də bəlli olduqca cədvələ əlavə ediləcək.
