Bu bölgənin məktəblərinin böyük UĞURU
Şimal-qərb bölgəsinin məktəblərinin böyük uğuru – fənlər üzrə ölkənin ən yaxşıları arasında!
AzTehsil.com xəbər verir ki, 2024–2025-ci il tədris ili üzrə keçirilmiş buraxılış və qəbul imtahanlarının nəticələrinə əsasən, Şəki-Zaqatala Regional Təhsil İdarəsinin tabeliyində olan bir sıra ümumi təhsil müəssisələri müxtəlif fənlər üzrə yüksək nəticələr göstərərək, ölkə üzrə ən yaxşı nəticə göstərən məktəblər sırasında yer alıb.
Belə ki, Şəki şəhəri Fizika-riyaziyyat və humanitar təmayüllü lisey – ədəbiyyat, riyaziyyat və fizika fənləri üzrə, Şəki rayonu Oxud kənd tam orta məktəbi – informatika fənni üzrə, Qax şəhər E.Babayev adına 4 nömrəli tam orta məktəb – fizika və informatika fənləri üzrə, Zaqatala şəhər Z.Əliyeva adına Texniki fənlər liseyi – kimya və tarix fənləri üzrə, Qəbələ rayonu Vəndam qəsəbə 1 nömrəli tam orta məktəb – kimya və informatika fənləri üzrə, Qəbələ şəhər Ə.Abdurahmanov adına 3 nömrəli tam orta məktəb– tarix fənni (rus bölməsi üzrə), Qəbələ rayonu Soltan Nuxa kənd tam orta məktəbi isə coğrafiya fənni üzrə ölkə üzrə yüksək nəticə göstərib.
Şəki-Zaqatala Regional Təhsil İdarəsi olaraq yüksək nəticə göstərmiş şagirdləri, onların bu uğurunda əməyi olan müəllimləri,məktəb kollektivini təbrik edir, fəaliyyətlərində yeni-yeni uğurlar arzulayırıq.
