"Salyan rayonu üzrə uşaq və gənclərin yaradıcılıq festivalı" layihəsinin təlimləri keçirilir
"Resurs" Gənclərin İnkişafı ictimai birliyi tərəfindən "Salyan rayonu üzrə uşaq və gənclərin yaradıcılıq festivalı" adlı layihənin təlimləri keçirilir.
Təlimlər rəqs, musiqi və rəsm istiqamətində icra olunur.
Qeyd edək ki, Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin maliyyə yardımı ilə həyata keçirilən layihənin əsas məqsədi Salyan rayonu üzrə istedadlı uşaq və gənclərin müəyyən olunması, yaradıcı rəqabətin artırılması, festivalın köməyilə ünsiyyət və əlaqələrin formalaşdırılmasına şəraitin yaradılması, onlara öz potensialını üzə çıxarmaq üçün yeni imkanlar yaratmaq və gələcəkdə genişmiqyaslı festivallarda iştirakına təkan verməkdən ibarətdir.
“Salyan rayonu üzrə uşaq və gənclərin yaradıcılıq festivalı” layihəsi nəticəsində 3 nominasiya üzrə (rəsm, musiqi və rəqs) seçilmiş 30 nəfər uşaq və gənclər üçün ustad dərsləri (təlimlər) təşkil olunub. Ustad dərslərinə peşəkar təlimçilər və ekspertlər cəlb edilib. Qeyd edək ki, “Salyan rayonu üzrə uşaq və gənclərin yaradıcılıq festivalı” layihəsinin 1 sentyabr - 1 noyabr 2022-ci il tarixləri aralığında həyata keçirilməsi planlaşdırılıb.
