“Bu sistem tətbiq edilsə, müəllimlərin vakant yerləri gizlədilə bilməz” -MARAQLI TƏKLİF
“Vakansiyaların gizlədilməsi kənd və rayon məktəblərində daha çox baş verir”.
Bu sözləri AzEdu.az-a açıqlamasında təhsil eksperti, Məzahir Məmmədli deyib.
Belə ki, MİQ müsabiqəsi başa çatsa da, onunla bağlı müzakirələr hələ də davam edir. Bir çox müəllimlər vakant yerlərin gizlədildiyini iddia edir. Təhsil naziri Emin Əmrullayev də məsələnin həqiqət olduğunu vurğulayıb.
M.Məmmədli problemin yaranmasının səbəblərini izah edib:
“Vakant yerlərin gizlədilməsində Təhsil Nazirliyinin yerlərdəki nümayəndələrinin təsiri böyükdür. Bir zamanlar yerli təhsil şöbələri Təhsil Nazirliyinə birbaşa tabe idi. Hazırda yaradılan regional idarələr rayon icra hakimiyyəti orqanları ilə razılaşmış şəkildə fəaliyyət göstərirlər. Onlar nazirliyə hesabat vermir və yerli məktəblərdən olan vakansiyaları öz təhsil müəssisəsindən olan müəllimlərə verirlər. Yerli icra hakimiyyəti orqanları müəllimlərlə əmək müqaviləsi bağlayaraq onların iş ilini artıra bilərlər. Bu da vakant yerlərin direktorlar tərəfindən həmin şəxslərə verilməsinə zəmin yaradır.
Vakansiyaların gizlədilməsi kənd və rayon məktəblərində daha çox baş verir. Çox təəssüf ki, bu, kütləvi hal alıb. Lakin bu tip hadisələr şəhər məktəblərindən də yan keçmir. Bunun üçün mərkəzləşdirilmiş sistem yaradılmalıdır. Bu baş verməyənə qədər proses davam edəcək. Bunu formalaşdırmaq üçün İnsan Resursları Mərkəzi yaş kateqoriyalarına görə məktəblərdən vaxtaşırı kadr bankını tələb etməlidir. Burada hansı yaş kateqoriyasından olan müəllimlərin olduğu asanlıqla bilinəcək. Eyni zamanda müəllimin yaşı 65-i ötübsə, icra orqanının bunu artırmaqla bağlı qərarı yoxdursa, bu yer vakant kimi təklif edilməlidir. Həmin hallar mərkəzləşdirilmiş sistem yaradılmayana qədər davam edəcək. Tsəssüf ki, bu kimi sistem hələ ki, yoxdur. Biz bunu müşahidə etmirik, ola bilsin ki, Təhsil Nazirliyinin bununla bağlı hər hansısa sistemi olsun. Amma ümumilikdə bu iş üzə çıxmır. Hətta nazir səviyyəsində də etiraf olundu ki, vakant yerlər gizlədilir. Bunun qarşısını almanın yeganə yolu kadr bankının formalaşmasıdır. Keçmiş zamanlarda rayon və Bakı şəhərində müəllimlər ardıcıl olaraq məlumatlarını qeyd edirdilər. Nazirlik də buna uyğun həmin informasiyaları gözdən keçirir və müəllimlər haqqında məlumatlı olurdu. Baxmayaraq ki, bu nümunə keçmişdə olub, amma indi də tətbiq olunsa, effektiv nəticə əldə etmək olar.
Məsələn, MİQ-dən 56 bal toplayan müəllim heç bir yerə qəbul oluna bilmir. Əgər həmin sistem yenidən tətbiq olunsa, müəllimlərin növbəlilik prisnsipi əsas götürülərək kənarda qalan kadrlar da işlə təmin edilə biləcək. Müəllimlər qəbul olunmaq üçün bir il də əlavə vaxt gözləməməlidir. O sistem qurulduqdan sonra gizlədilməyə yer qalmayacaq”.
Orta məktəblərdə ən çox bu fənn müəllimlərinə ehtiyac var - NAZİRLİKDƏN AÇIQLAMA
Bu il vakant müəllim yerlərini yerli təhsil şöbələrinin elan etməsinə icazə verilməyib
Vakant müəllim yerini gizlədənlər CƏRİMƏLƏNƏCƏK - 1 YER 50 MANAT
Emin Əmrullayev: Vakant yerlərin sayının 9000-ə qədər artmasını gözləyirik
Təhsil Nazirliyindən məktəblərdəki vakansiyaların gizlədilməsi ilə bağlı AÇIQLAMA
Bu şəxslərin maaşları artırılıb
Şöbə müdiri MİQ-də vakant yerlərin nəyə əsasən təqdim edildiyindən danışdı
Təhsil şöbələri icra başçısına tabedir, nazirliyə? - Deputatlar aydınlıq gətirdilər
DİM-in sədr müavini: “Dövlət orqanlarında vakant vəzifələrin sayı mindən çoxdur”
Vakant dövlət qulluğu vəzifələri üzrə müsahibə davam edir
Vakant yerlərin sayı açıqlandı.
Nadir İsrafilov: “Deputatlar nəyə aydınlıq gətirdilər…?”
“Vakant yerlərin çoxluğu rayonlarda yeni idarələrin yaranması ilə bağlıdır”
DİM vakant yerlərə qəbulun nəticələrini AÇIQLAYIB
Emin Əmrullayev: “Növbəti illərdə şagirdlərin sayı azalacaq”
Nazirlik: “Müsabiqəyə çıxarılan vakant müəllim yerlərinin sayı artırılacaq”
Vakant dövlət qulluğu vəzifələri üzrə müsahibədə 139 namizəd uğur qazanıb
"Hazırda sistemdə 7.531 vakansiya mövcuddur"-Murad Camalzadə
Yeni təyinat alan direktorlar neçə il işləyə bilərlər?
“Bilikli müəllimlər daha yüksək əməkhaqqı əldə etməlidir”
Bu dövlət qurumlarında məmur yerləri boşdur - DİM açıqladı+Siyahı
Vakant dövlət qulluğu vəzifələri üzrə müsahibədə 107 nəfər uğur qazanıb
Dövlət orqanında işləmək istəyənlərə - YENİ İMKAN
Müəllimlərin işə qəbulu ilə bağlı vakant yerlərin sayı AÇIQLANDI