Xəbərlər / Müəllim
26 iyun 2021
1 303
İmtahanların nəticələri ilə bağlı müraciətlər iyunun 29-dək qəbul olunur
Təhsil Nazirliyinin birbaşa tabeliyində fəaliyyət göstərən lisey və gimnaziyalara mərkəzləşdirilmiş şəkildə keçirilmiş qəbul imtahanlarının nəticələri elan edilib.
Nazirlikdən bildirilib ki, qəbul imtahanlarının nəticələri ilə bağlı müraciətlər iyunun 29-dək info@olimpiada.edu.az elektron ünvanı vasitəsilə qəbul edilir.
Qeyd edək ki, seçim mərhələsində iştirak hüququ qazanmış şagirdlər iyulun 5-i saat 17:00-dək lisey və gimnaziyalar arasından seçim etməlidirlər. Seçim etdikdən sonra şagirdlər imtahan balı və qeyd etdikləri ardıcıllıq əsasında mərkəzi sistem tərəfindən müvafiq lisey və ya gimnaziyaya yerləşdiriləcək. Qeyd olunmuş müddət bitdikdən sonra seçim etmək və ya seçimlərdə hər hansı dəyişiklik etmək mümkün deyil.
