Başımıza gələn hər şey təhsil sisteminin zəifliyindəndir-Fəxri Ağayev

NİYƏ İNSANLAR KÜÇƏYƏ ÇIXIR?

Virus. Ölüm.

Xəstəxanalardan reportajlar.

Artıq "sənin tanıdığın kimsə virusdan ölüb mü?” sualı verilmir.

Bəs niyə hələ də insanlar küçəyə çıxır, gəzir, uşaqlarını çıxardır?

Düşünürəm ki, bunun 2 ana səbəbi var – etibarın olmaması və cahillik.

Hər səbəbə ayrılıqda qısaca göz gəzdirək.

ETİBARIN olmaması.

Evdə insanları saxlamaq üçün əsas arqumen odur ki, kütləvi yerlərdə, sosial, fiziki məsafə olmadığı məkanlarda yoluxma sayı çox olur. Bəli. Bunu televiziyadan eşdirik. Amm HƏR GÜN bankların önündə MİNLƏRLƏ insanların biri-birinə yapışıq durduğunu görürük. İndi camaa nəyə inansın? Gözünə yoxsa qulağına?

"2 gün evdə oturun. Qətiyyən çıxmaq olmaz. 100 manat cəza. 1 ay həbs. 5.000 manat cəza”. Əla. İnsan özünü inandırır ki, bəli, ciddidirlər. Amma cümə günü axşam onminlərlə insanların havalandırması güclü olmayan isti havada marketlərdə biri-birinə yapışmış şəkildə saatlarla olması təm fərqli, amma illərlər öyrəşmiş olduğumuz bir məqamı bizlərə göstərir : qərar verilir, sərt cəzalar təyin edilir, amma mexanizm düşünülmür. Və ova çıxdığımız zaman özümüz ovlanmış oluruq . Virusdan qorunmaq məqsədi ilə evdə 2 gün qalana qədər yoluxanların sayı artacaq.

CAHİLLİK məsələsi isə bu günün mövzusu deyildir – illərdir dərin məzarlığa gömülən təhsillə bağlıdır. Bağçadan, məktəbdən universietlərə qədər bilik yerinə pul qarşılığında sənədin verilməsi bu günə bizləri gətirdi çıxardı. Bu gün tək bu mövzuda deyil – ailə qurulmasından tutumuş peşəkar həyata baxışımıza qədər başımıza gələn hər şey məhz elə təhsil sisteminin zəifliyindəndir. Təhsilli, bilikli, savadlı, məniqi olan insana müəyyən ardıcıllıq və alqoritmlə nəyisə öyrətmək olar. Amma elmin, biliyin olmadığı, amma diplomun çox olduğu yerdə hərkəs özünü bilik mərkəzi sayır – burda artıq məntiq belə işləmir.

Müəlliminə, məmuruna, icra başçısına, nazirinə inanmayan insanı evdə oturmağa inandırmaq olar mı? Kim inandıracaq? İllərlə "Almaniya dağılır” deyən insan mı?

Məqalə Göndər