Sürüklənən bəşəriyyət,qadınla yüksələcək!

Qadın incəsənət əsəridir,Allahın yaratdığı ən nəzakətli,ən möhtəşəm, ən nazənin varlıqdır.

Qadın-bir cahanın daşıyıcısı,Vətənin özü də anadır,ana.

Bir gənc ssenarinin tək yazıçısı,Hər vərəq,hər sətir borcludur ona.(Islam Qədirli) Qadın incə, zərif varlıqdır deyirlər. Ancaq bəzən bu

incə, zərifliyi, gücsüz, qorxaq olmaqla qarışdırırlar. Bəshər qadına layiq olduğu kimi incə, zərif varlıqmış kimi davranılırmı?

Əvvəlki dövrlərdə qadını qul kimi işlədib, oxuyub təhsilli biri kimi formalaşmasına icazə verməyiblər. Bu, sırf maariflənməmək, dünya görüşlü olub, yoldaşlarına,atalarına qarşı çıxmasınlar deyə edilmiş təxribatdan başqa bir şey olmamışdır. Əlbəttə bunun ən böyük səbəbi savadsızlıq olub, kişilər təhsilə, maariflənməyə o qədər də önəm verməyiblər.

Bunlara rəğmən bir misal çəkim, qadınların təhsil almağına imkan verməyən kişilər xanımlarını həkimə aparanda xanım həkim axtarıblar. Əvvəlki dövrlərdə hər insan təhsillə məşğul olmasa da, maarifə önəm verən tək-tük ziyalılar müasirləşmək, insanların gözünü açmaq üçün əllərindən gələni ediblər. Onlar qadınların təhsilli olmasına, müasirləşməsinə çox önəm verib, yoldaş, bacı və qızlarını təhsilə yönəldiblər .Insanların müasirləşməsi, maariflənməsinə qarşı ilk tədbir mətbuat orqanının yaradılması olub və bunu H.Zərdabi edib. O, təhsilə, vətənə sevgisinə görə aşiq olduğu qızla evlənməkdən vaz keçir və təhsilli bir qadınla evlənməyi üstün tutur. Bütün həyatını təhsilə, maariflənməyə həsr edən Həsən bəy Azərbaycanın ilk maarifçi qadını- Hənifə xanım Məlikova ilə ailə həyatı qurub.

Müsəlman qadınların hüquqsuz, avam həyat sürməsi, qızların uşaq ikən ərə verilməsi Hənifə xanımı çox narahat edən məsələlərdən olub. Hənifə xanım ailəsinin xalqının yolunda neçə-neçə fədakarlıq edərək, heç bir təmanna ummadan, təziqlərə, təqiblərə məruz qalmalarına baxmayaraq yoldaşı ilə bərabər məktəblər açdırıb evlərində pulsuz müəllimlik ediblər. "Uzun müddətli həyatımda məqsədim

savadsız kütləni, xüsusilə türk qadınlarının hüquq azadlığı uğrunda mübarizə etmək və onların mədəni səviyyəsini yüksəltmək olmuş və olacaqdır" - bu sözlər Hənifə xanıma məxsusdur. Hər kəsin həyatda bir amalı, bir məqsədi olur, onlarında məqsədi xalqını maarifləndirmək,onlara elm, savad öyrətməkdən ibarət olub. Bugünkü gündə onlar kimi təhsilə önəm verən ziyalılara çox ehtiyac var.

Məryəm Nəbiyeva